Thursday, February 2, 2023
Home Uncategorized दिव्यांग विद्यार्थ्यांचे कर्तृत्व सामान्य विद्यार्थ्यांसाठी प्रेरणादायी -NNL

दिव्यांग विद्यार्थ्यांचे कर्तृत्व सामान्य विद्यार्थ्यांसाठी प्रेरणादायी -NNL

जिल्हा परिषदेच्या मुख्य कार्यकारी अधिकारी वर्षा ठाकूर-घुगे

by nandednewslive
0 comment

नांदेड| शैक्षणिक असो की क्रीडा सर्वच क्षेत्रात दिव्यांग विद्यार्थ्याचे कर्तृत्व सामान्य शाळेतील विद्यार्थ्यांसाठी प्रेरणादायी असल्याचे, प्रतिपादन जिल्हा परिषदेच्या मुख्य कार्यकारी अधिकारी वर्षा ठाकूर-घुगे यांनी केले आहे. स्वातंत्र्याचा अमृत महोत्सव, मराठवाडा मुक्तीसंग्राम अमृत महोत्सव, समता पर्व व जागतिक दिव्यांग दिनानिमित्त आयोजित कार्यक्रमात त्या बोलत होत्या.

समाज कल्याण विभागाच्यावतीने आज वजिराबाद पोलीस परेड ग्राउंड येथे दिव्यांग विद्यार्थ्यांच्या जिल्हास्तरीय क्रीडा आयोजित या कार्यक्रमात जिल्हा विधी सेवा प्राधिकरणच्या सचिव दलजित कौर जज, समाज कल्याण अधिकारी बापू दासरी, जिल्हा परिषदेचे जिल्हा समाज कल्याण अधिकारी सतेंद्र आऊलवार, अधीक्षक अशोक पंडित, लेखाधिकारी सय्यद मिनाज, वैशाखा संजय गोडगोडवार, निरीक्षक कैलास मोरे, महेश दवणे, मुख्याध्यापक नितीन निर्मल, यादव साळुंके आदींची उपस्थिती होती.

दिव्यांग विद्यार्थ्याचे पथसंचलन, त्यांची ऊर्जा व कामगिरी ही प्रेरणादायी आहे. दिव्यांग विद्यार्थ्याचे शिस्त, लय, ताल, सूर प्रशंसनीय होते. दिव्यांग विद्यार्थ्यांचे व त्यांच्या शिक्षकांची प्रेरणा जिल्हा परिषदेच्या शिक्षकांना व विद्यार्थ्यांनी घ्यावी, असे सांगून जिल्हा परिषदेच्या मुख्य कार्यकारी अधिकारी वर्षा ठाकूर-घुगे यांनी दिव्यांग विद्यार्थ्यांचे कौतुक केले.

banner

दिव्यांग विद्यार्थी सामान्य विद्यार्थ्यासारखी कामगिरी करू शकतो. त्यांच्यातील लपलेल्या सुप्तगुणांना वाव देण्याची गरज असते. दिव्यांग इतरांसारखाच विकास प्रक्रियेतील प्रमुख भागीदार आहेत. दिव्यांगांना लागणाऱ्या कायदेशीर मदतीसह अन्य मदतीसाठी आपण तत्पर असल्याचे जिल्हा विधी सेवा प्राधिकरणाच्या सचिव दलजित कौर जज यांनी सांगितले.

प्रास्ताविकात जिल्हा परिषद जिल्हा समाज कल्याण अधिकारी सतेंद्र आऊलवार यांनी स्पर्धेत सहभागी झालेल्या विद्यार्थ्याचा आढावा घेतला. विशेष शिक्षकांच्या परिश्रमातून भविष्यात हे विद्यार्थी जिल्हाच नव्हेच तर राज्य, राष्ट्रीय पातळीवर यशस्वी ठरतील, असा विश्वास त्यांनी व्यक्त केला. प्रारंभी क्रीडाज्योत प्रज्वलित करत क्रीडा स्पर्धेस प्रारंभ झाला. या सोहळ्याचे सूत्रसंचलन मुरलीधर गोडबोले यांनी केले. जिल्हाभरातील शाळेतील खेळाडू व त्यांच्या समवेत आलेल्या शिक्षकांची यावेळी मोठ्या संख्येने उपस्थिती होती.

संबंधित बातम्या वाचा

Leave a Comment

nandednewslive.com या वृत्तवाहिणी/पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.

Visitor counter NNL

Copyright @ 2011-2023 Online Social News Live Channel All Right Reserved -Developed & Designed by M&D Infotech Latur, Call – 86687 76434 

Are you sure want to unlock this post?
Unlock left : 0
Are you sure want to cancel subscription?
error: Content is protected !!