Saturday, January 28, 2023
Home Uncategorized दुसरे एकदिवसीय जनसंवाद ग्रामीण साहित्य संमेलन 30 डिसेंबर रोजी -NNL

दुसरे एकदिवसीय जनसंवाद ग्रामीण साहित्य संमेलन 30 डिसेंबर रोजी -NNL

संमेलनाध्यक्षपदी साहित्यिक डॉ. राम वाघमारे यांची निवड

by nandednewslive
0 comment

नांदेड। सप्तरंगी साहित्य मंडळाच्या वतीने घेण्यात येणाऱ्या दुसऱ्या एकदिवसीय जनसंवाद ग्रामीण साहित्य संमेलनाच्या अध्यक्षपदी येथील प्रसिद्ध साहित्यिक, समीक्षक तथा कादंबरीकार डॉ. राम वाघमारे यांची निवड करण्यात आली असून येत्या 30 डिसेंबर रोजी लोहा तालुक्यातील जवळा देशमुख येथे हे संमेलन होणार असल्याची माहिती साहित्य मंडळाचे कार्याध्यक्ष प्रज्ञाधर ढवळे यांनी दिली.

सप्तरंगी साहित्य मंडळाच्या वतीने दरवर्षी एकदिवसीय ग्रामीण साहित्य संमेलनाचे आयोजन करण्यात येते. गतवर्षी कंधार तालुक्यातील गोणार येथे ज्येष्ठ साहित्यिक अनुरत्न वाघमारे यांच्या अध्यक्षतेखाली पहिले जनसंवाद ग्रामीण साहित्य संमेलन संपन्न झाले होते. मंडळाच्या कार्यकारी बैठकीत सन 2022 च्या दुसऱ्या एकदिवसीय जनसंवाद ग्रामीण साहित्य संमेलनाच्या अध्यक्षपदी साहित्यिक तथा समीक्षक डॉ. राम वाघमारे यांची निवड एकमताने करण्यात आली आहे.

डॉ. राम वाघमारे यांचे डोन्ट वरी सर (कथासंग्रह) खेळ, ग्रॅपल, लढा, गुरुजींची शाळा, फाईट फॉर द राईट, इ. कादंबऱ्या व दीपस्तंभ ऊर्जास्त्रोत, आक्का; कोहिनूर ए गझल इलाही इ. चरित्रात्मक पुस्तके आणि काकांच्या शैक्षणिक गप्पा (शैक्षणिक ) जखमांचे सुगंधी पण जपणारा इलाही (संपादित) समकालीन कादंबरीकार भालचंद्र नेमाडे व रंगनाथ पठारे (समीक्षाग्रंथ) इ. साहित्य संपदा प्रकाशित असून त्यांनी काळया व 98% या शैक्षणिक लघु चित्रपटाची निर्मितीही केली आहे.

डॉ. राम वाघमारे हे श्री शारदाभवन संस्थेच्या महात्मा फुले हायस्कूल बाबानगर नांदेड येथे सहशिक्षक म्हणून कार्यरत आहेत. त्यांची साहित्य संमेलनाच्या अध्यक्षपदी निवड झाल्याबद्दल डॉ. बबन जोगदंड, डॉ. विलास ढवळे, दत्ताहरी धोत्रे, नंदकुमार बनसोडे, शुध्दोधन गायकवाड, मिलिंद चावरे, संजय नरवाडे, बाबुराव कसबे, रवी लोहाळे, मिलिंद व्यवहारे, प्रा. डॉ. राजेंद्र लोणे यांनी राम वाघमारे यांचे अभिनंदन केले आहे.

banner

संबंधित बातम्या वाचा

Leave a Comment

nandednewslive.com या वृत्तवाहिणी/पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.

Visitor counter NNL

Copyright @ 2011-2023 Online Social News Live Channel All Right Reserved -Developed & Designed by M&D Infotech Latur, Call – 86687 76434 

Are you sure want to unlock this post?
Unlock left : 0
Are you sure want to cancel subscription?
error: Content is protected !!