Monday, February 6, 2023
Home Uncategorized चूक सत्ताधारी लोकप्रतिनिधींची खापर प्रशासनांवर- काँग्रेसचे तालुकाध्यक्ष शरद पवार -NNL

चूक सत्ताधारी लोकप्रतिनिधींची खापर प्रशासनांवर- काँग्रेसचे तालुकाध्यक्ष शरद पवार -NNL

by nandednewslive
0 comment

नांदेड| दक्षिण भारतातील प्रसिद्ध आणि सर्वात मोठी यात्रा म्हणून अनेक दशकांपासून ओळखल्या जाणाऱ्या माळेगाव येथील श्री खंडोबा यात्रा नियोजनातील त्रूटी आणि यात्रेकरूंच्या गैरसोयीचे भांडवल करत खा. चिखलीकर या गाेष्टींना प्रशासन जबाबदार असल्याचा आरोप करीत आहेत. यात्रेपूर्वी प्रशासकीय अधिकाऱ्यांच्या बैठका स्वतः व खा. सुधाकर तुकाराम श्रृंगारे तसेच स्थानिक आ. शिंदे यांनी घेत प्रशासनामार्फत नियोजन करून घेतले. यामुळे यात्रा नियोजनातील त्रुटींना प्रशासन नव्हे तर तुम्हीच जबाबदार असल्याची तोफ खा. चिखलीकरांच्या आरोपाला उत्तर देताना लोहा काँग्रेसचे तालुकाध्यक्ष शरद पवार यांनी डागली आहे.

नांदेड जिल्ह्यातील लोहा तालुक्यातील माळेगाव येथील खंडोबा यात्रा ही दक्षिण भारतातील सुप्रसिद्ध व सर्वात मोठी यात्रा म्हणून अनेक दशकांपासून ओळखली जाते. या यात्रेत महाराष्ट्र, कर्नाटक, तेलंगणा, गुजरात, आंध्रप्रदेश, राजस्थान, पंजाब, मध्यप्रदेशासह देशभराततून उंट, घोडे, गाढव, खेचर, कुत्री, गाय, म्हैस, बैल घेऊन मोठ्या प्रमाणात व्यावसायिक येतात. पशु, प्राण्यांची यात्रेतून विक्री होऊन, लाखो रुपयांची उलाढाल होते. यावेळी जिल्हा परिषदेच्या कृषी, समाजकल्याण आदी विभागाच्या वतीने स्पर्धा, प्रदर्शनांचे आयोजन करण्यात येते. या यात्रेच्या नियोजनाची तयारी जि. प. पदाधिकारी, अधिकारी, लोहा पंचायत समिती व माळेगाव ग्रामपंचायत यांच्या समन्वयातून होते. आतापर्यंत या यात्रेचे नियोजन उत्कृष्ट राहिले आहे.

मात्र, यावर्षी जिल्हा परिषदेवर प्रशासक राज तसेच राज्यातील सत्तांतराचा परिणाम नियोजनावर झाला. सत्ताधारी असलेल्या खा. चिखलीकर जसे काही आता आपणच सर्वस्व या भूमिकेत वावरू लागले आहेत. स्वतः जि. प. अधिकारी व प्रशासनाच्या बैठका त्यांनी घेतल्या. तर खा. सुधाकर तुकाराम श्रृंगारे यांच्या उपस्थितीतही बैठक घेण्यात आली. स्थानिक आ. श्‍यामसुंदर शिंदे यांनीही दोन बैठका घेत आपणही मागे नाहीत असे दाखवून देण्याचा प्रयत्न केला.

प्रत्येक लोकप्रतिनिधींचे वेगवेगळे सल्ले आल्यामुळे नियोजनात प्रशासनाची मोठी कोंडी झाली. तरीही मागच्या अनुभवातून उत्कृष्ट नियोजनाचा प्रयत्न प्रशासनाने केला. परंतु, सत्ताधाऱ्यांचे वाढता हस्तक्षेप प्रशासनाची डोकेदुखी वाढवणारी ठरली. तसेच यात्रेसाठीचा शासनाचा ७ कोटी ७७ लाखांचा बहुतांश निधी सत्ताधाऱ्यांच्या दबावामुळे वास्तू उभारणीपेक्षा सपाटीकरणासाठी खर्च झाल्याने यात काय गौडबंगाल आहे का? असा प्रश्‍न उपस्थित करत नियोजनातील त्रुटी यामुळे पशुमालक व यात्रेकरूंच्या गैरसोयीस खा. चिखलीकरासह सत्ताधारी लोकप्रतिनिधी जबाबदार असल्याचे शरद पवार यांनी स्पष्ट केले आहे.

banner

संबंधित बातम्या वाचा

Leave a Comment

nandednewslive.com या वृत्तवाहिणी/पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.

Visitor counter NNL

Copyright @ 2011-2023 Online Social News Live Channel All Right Reserved -Developed & Designed by M&D Infotech Latur, Call – 86687 76434 

Are you sure want to unlock this post?
Unlock left : 0
Are you sure want to cancel subscription?
error: Content is protected !!