Saturday, January 28, 2023
Home नायगाव लोहगावच्या सावकाराकडून नायगांव तालुक्यात मुरुमाचे अवैध उत्खनन -NNL

लोहगावच्या सावकाराकडून नायगांव तालुक्यात मुरुमाचे अवैध उत्खनन -NNL

by nandednewslive
0 comment

नायगांव, रामप्रसाद चन्नावार। नांदेड जिल्ह्यातील नायगांव महामार्गावर कुंटूर फाट्याजवळ टाकळगाव फाटा देगाव येथे गंगमवार सावकार लोहगावकर यांनी थेट शेती माल खरेदी केंद्राच्या ठिकाणी २ ते आडीच हजार ब्रास मुरुमाचा वापर केला असून. सध्या मुरुम उत्खननाला परवानगी नसतांना मुरुमाचे अवैध उत्खनन करण्यात आले आहे. या प्रकरणाची चौकशी करून गुन्हे नोंद करण्यात यावे अशी मागणी गणेश कंदुर्के यांनी केली आहे.

गौण खनिजाच्या उत्खननाला कुठलीच परवानगी नसतांना नायगांव तालुक्यात मोठ्या प्रमाणात गौण खनिजाचे अवैध उत्खनन करुन नियमबाह्य वाहतूक होत आहे. तालुक्यातील अनेक गावात अशा प्रकारे मुरुमाचे उत्खनन होत असतांना महसूल विभाग बघ्याची भुमिका घेत आहे. चोरीच्या मार्गाने होत असलेल्या अवैध उत्खननामुळे अधिकारी आणि माफीया अर्थिक द्रष्ट्या संपन्न होत असले तरी शासनाचे लाखो रुपये नुकसान होत आहे पण याचे कुणालाही सोयरसुतक नाही हे विशेष.

नांदेड – नायगांव महामार्गावर कुंटूर फाट्याजवळ टाकळगाव फाटा देगाव येथे गंगमवार सावकार लोहगावकर यांनी थेट शेती माल खरेदी केंद्र सुरु केले असून. या ठिकाणी त्यांनी एक गोडावून बांधकाम करत आहेत. यासाठी हजारो ब्रास मुरुमाचे अवैध उत्खनन करुन वापर करण्यात आला आहे. महामार्गाच्या बाजूलाच बांधकाम होत असलेल्या ठिकाणी हजारो ब्रास मुरुमाचा वापर करण्यात आल्याचे दररोज ये जा करणाऱ्या अधिकाऱ्यांना दिसत असते पण ते कानाडोळा करत आहेत.

गौण खनिज उत्खननाची परवानगी नसतांना येथे कुणाच्या परवानगीने मुरुम टाकण्यात येत आहे याचा तपास लावण्यासाठी जागेवर जावून पंचनामा करुन संबधीतावर दंडात्मक कारवाई करण्यात यावी व ज्या ठिकाणी अवैध मुरुमाचे उत्खनन करण्यात आले त्या ठिकाणची ईटीएस मोजणी करण्यात यावी अशी मागणी गणेश कंदुर्के यांनी तहसीलदार गजानन शिंदे यांचेकडे केली आहे.

banner

संबंधित बातम्या वाचा

Leave a Comment

nandednewslive.com या वृत्तवाहिणी/पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.

Visitor counter NNL

Copyright @ 2011-2023 Online Social News Live Channel All Right Reserved -Developed & Designed by M&D Infotech Latur, Call – 86687 76434 

Are you sure want to unlock this post?
Unlock left : 0
Are you sure want to cancel subscription?
error: Content is protected !!