मुखेड, रणजित जामखेडकर| शहरातील महात्मा ज्योतिबा फुले महाविद्यालयाच्या राष्ट्रीय सेवा योजना विभागाच्या वतीने व नांदेड पतंजलि योग परिवार , जिल्हा परिषद आणि क्रीडा भारती यांच्या संयुक्त विद्यमाने एक दिवसीय योग शिबीर आयोजित करण्यात आले होते .
या कार्यक्रमाचे अध्यक्षस्थानी मराठी विभाग प्रमुख प्रा.सी.बी.साखरे , योगगुरू अनील अमृतवार , शिंदे , व्यासपीठावर उपप्राचार्य प्रा.एस.बी.बळवंते , प्रा.डी.बी.साखरे , प्रा.डॉ. बी.एस.केंद्रे हे उपस्थित होते. मान्यवरांच्या हस्ते महात्मा फुले व सावित्रीबाई फुले यांच्या प्रतिमेला पुष्पहार अर्पण करण्यात आले. कार्यक्रमाचे सूत्रसंचालन व प्रास्ताविक राष्ट्रीय सेवा योजना कार्यक्रमाधिकारी प्रा.डॉ. सी.एन.एकलारे तर आभार प्रदर्शन क्रीडा निर्देशक प्रा.डॉ. एस.बी.गायकवाड यांनी केले.
यथोचित सत्कारानंतर उपस्थित विद्यार्थी , प्राध्यापक व कर्मचाऱ्यांना प्रात्यक्षिक द्वारे योग विषयी माहिती दिली . भारत स्वाभिमान वर्धापन दिवस व मराठवाडा मुक्तीसंग्राम अमृत महोत्सवी वर्ष आणि महाविद्यालयाचा सुवर्ण महोत्सवी वर्ष या निमित्ताने दि.१६ नोव्हेंबर २०२२ ते ५ जानेवारी २०२३ या ५१ दिवसात नांदेड जिल्ह्यातील १००१ शिक्षण संस्थेत हा उपक्रम राबविण्यात येत आहे . हा कार्यक्रम निशुल्क आयोजित करण्यात आला होता .
योग प्रशिक्षक अनिल अमृतवार यांनी समाजात वावरताना वाढत चाललेली विषमता , द्वेष , तिरस्कार या विषयावर चर्चा करताना उत्तम आरोग्य सांभाळून मन शांत झाले तर निश्चितच जग जिंकण्या साठीची तयारी होते. योग साधनेत सातत्य , मेहनत , चिकाटीने कार्य केल्यानंतर आयुष्यातला प्रत्येक क्षण आनंदी आणि समाधानी होऊन जगता येतो असे विचार व्यक्त केले.
अध्यक्षीय भाषणात प्रा.सी.बी.साखरे यांनी योग साधना आनंदी जगण्याची कला आहे . आयुष्यातील प्रत्येक क्षण अतिशय आनंदाने व्यतीत करण्यासाठी योगाची खुप गरज आहे . स्वतःच्या आयुष्यात योगामुळे झालेले बदल , सामाजिक क्षेत्रातील कार्याला मिळणारे बळ इत्यादी विषयावर प्रकाश टाकला आहे . बहुसंख्येने विद्यार्थी – विद्यार्थिनी , प्राध्यापक व शिक्षकेत्तर कर्मचारी उपस्थित होते .
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.