Saturday, January 28, 2023
Home पुणे ग्रंथालय संघ शिरूर तालुका अध्यक्षपदी विवेकानंद फंड सर यांची निवड -NNL

ग्रंथालय संघ शिरूर तालुका अध्यक्षपदी विवेकानंद फंड सर यांची निवड -NNL

by nandednewslive
0 comment

पुणे/रांजणगाव गणपती। शिरूर तालुका ग्रंथालय संघाच्या अध्यक्षपदी विवेकानंद फंड यांची सन 2023 ते 2026 या कार्यकाळासाठी निवड करण्यात आली.

पुणे जिल्हा ग्रंथालय संघाची बिनविरोध निवडणूक शिक्षक भवन येथे नुकतीच पार पडली यावेळी सर्वानुमते रांजणगाव गणपती (ता. शिरूर)येथील विवेकानंद फंड यांना तालुका ग्रंथालय संघाच्या अध्यक्षपदी निवडीचे पत्र उपस्थित मान्यवरांच्या हस्ते देण्यात आले.

यावेळी जिल्हा ग्रंथालय संघाचे अध्यक्ष काकासाहेब चव्हाण, महाराष्ट्र राज्य संशोधन परिषदेचे अध्यक्ष विजय कोलते, कार्यवाह सोपानराव पवार, ग्रंथमित्र धों.स.सुतार गुरुजी,रमेश सुतार, हमीद तांबोळी, तुकाराम रासकर , निवडणूक निर्णय अधिकारी विजय हांडे इत्यादी मान्यवर उपस्थित होते.तसेच हया निवडणूक कार्यक्रमाला पुणे जिल्ह्यातील ग्रंथालय संघाचे सभासद, चळवळीतील विविध पदाधिकारी व कार्यकर्ते मोठ्या संख्येने उपस्थित होते.

सदर कार्यक्रम प्रसंगी मनोगत व्यक्त करताना शिरूर तालुक्यातील ग्रंथालयांना मार्गदर्शन करण्याबरोबर गाव तेथे ग्रंथालय योजना पोहोचवणार असून शासनाच्या विविध योजनांचा लाभ तालुक्यातील ग्रंथालयांना मिळवून देणार असल्याची भावना विवेकानंद फंड यांनी या वेळी आपल्या मनोगतात व्यक्त केली.  एका खऱ्या अर्थाने हाडामासाच्या एका ग्रंथप्रेमीची निवड झाली. साहित्याप्रती असलेला जिव्हाळा, आवड आणि नव साहित्यिकांसाठी व ग्रंथालयासाठी दिलेलं योगदान हे विस्तृत स्वरूपाचे आहे.

banner

नव पिढीतील वाचकांची संख्या ग्रंथालया अभावी किंवा मोबाईल सारख्या माध्यमामुळे कमी झाली असली तरी गाव तिथे ग्रंथालय या योजनेतून व या ग्रंथप्रेमी अध्यक्षाच्या रूपाने का होईना इथून पुढे दिवसेंदिवस वाचकांची व साहित्यिकांची संख्या वाढेल यात काही तीळ मात्र शंका नाही.

संबंधित बातम्या वाचा

Leave a Comment

nandednewslive.com या वृत्तवाहिणी/पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.

Visitor counter NNL

Copyright @ 2011-2023 Online Social News Live Channel All Right Reserved -Developed & Designed by M&D Infotech Latur, Call – 86687 76434 

Are you sure want to unlock this post?
Unlock left : 0
Are you sure want to cancel subscription?
error: Content is protected !!