Sunday, January 29, 2023
Home Uncategorized खुरगावला दहा जणांना श्रामणेर दीक्षा -NNL

खुरगावला दहा जणांना श्रामणेर दीक्षा -NNL

by nandednewslive
0 comment

नांदेड| तालुक्यातील खुरगाव नांदुसा परिसरातील श्रामणेर प्रशिक्षण केंद्रात वर्षभर श्रामणेर दीक्षा देण्याचा कार्यक्रम चालतो. तसेच ऋषिपठण बहुउद्देशीय सेवाभावी संस्था खुरगाव नांदुसा संचलित श्रामणेर प्रशिक्षण केंद्रात दर महिन्याला पौर्णिमेचे औचित्य साधून दस दिवशीय शिबिराचे आयोजनही करण्यात येते.

अखिल भारतीय भिक्खू संघाचे जिल्हाध्यक्ष तथा धम्मगुरू संघनायक भदंत पंय्याबोधी थेरो यांच्या मार्गदर्शनाखाली दहा जणांना श्रामणेर दीक्षा देण्यात आली. यावेळी भदंत पंय्याबोधी थेरो यांच्यासह भिक्खू संघरत्न, भिक्खू चंद्रमणी, भिक्खू धम्मकिर्ती, भिक्खू श्रद्धानंद, भंते शिलभद्र, भंते सुनंद, भंते सुयश , भंते सुगत, भंते सुजात आदींची उपस्थिती होती. पौष पौर्णिमेचे औचित्य साधून हट्टा येथील दहा जणांना खुरगाव नांदुसा परिसरातील श्रामणेर प्रशिक्षण केंद्रात भिक्खू संघाच्या हस्ते विधीवत श्रामणेर दीक्षा देण्यात आली.

त्यात शेषराव खाडे ( संघकिर्ती), रावसाहेब ढगे (संघजित), किरण खाडे ( संघविरीयो), राहुल खिल्लारे (सुदस्सी), उत्तम खाडे (संघांश), श्रावण खिल्लारे ( संघपाल), दत्ता खाडे (सुगत), भीमराव खाडे (सुगततिस्स), शंकर टेकुळे ( सुमित), दलित खाडे (सुप्रिय) यांचा समावेश आहे. दीक्षा घेतल्यानंतर त्यांनी चिवर धारण केले. तसेच त्यांचे बौद्ध पद्धतीने नामकरण करण्यात आले. आता हे शिबिर दहा दिवस चालणार असून २० रोजी शिबिराचा समारोप होणार आहे.

संबंधित बातम्या वाचा

Leave a Comment

nandednewslive.com या वृत्तवाहिणी/पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.

Visitor counter NNL

Copyright @ 2011-2023 Online Social News Live Channel All Right Reserved -Developed & Designed by M&D Infotech Latur, Call – 86687 76434 

Are you sure want to unlock this post?
Unlock left : 0
Are you sure want to cancel subscription?
error: Content is protected !!