Saturday, January 28, 2023
Home अर्धापूर कामठा बु खंडेराय यात्रेस 19 पासून प्रारंभ 20 रोजी भव्य पालखी सोहळा -NNL

कामठा बु खंडेराय यात्रेस 19 पासून प्रारंभ 20 रोजी भव्य पालखी सोहळा -NNL

by nandednewslive
0 comment

अर्धापूर, निळकंठ मदने| जगात प्रसिद्ध असलेल्या माळेगाव यात्रेनंतर नांदेड जिल्ह्यात दुसऱ्या क्रमांकावर कामठा बु ता.अर्धापूर येथील खंडेरायाची यात्रा प्रसिद्ध व ऐतिहासिक परंपरा लाभलेली आहे. चार जिल्ह्यातून सर्व जाती धर्माचे भाविक मोठ्या संख्येने येतात आणि राष्ट्रीय सलोखा, ऐक्य जोपासणारे चित्र आपणास पहावयास मिळते.

कामठा बु येथील यात्रेस 19 जानेवारी रोजी प्रारंभ होत आहे. या दिवशी खंडेरायाच्या आरत्या व सबीना निघणार आहे. 20 जानेवारी रोजी शुक्रवारी दुपारी एक वाजता भव्य असा पालखी सोहळा निघणार आहे. दि 21 व 22 रोजी भव्य शंकर पट स्पर्धा आयोजित केली आहे. दि 23 रोजी जंगी कुस्त्यांच्या सामने होणार आहेत.

येळकोट येळकोट जय मल्हार च्या गजरात पालखीचा प्रारंभ होतो. मिरवणुकीत ढोल ताशाच्या गजरात खंडोबाचे वारू चाबकाचे वार हातावर पायावर घेत भाविक टिपरे,बताशाचा प्रसाद व शाल पालखीवर पांघरून दर्शन घेतात. दरम्यान गावाच्या मध्यभागी बुरुजा जवळ दिगंबर हैबतराव जंगे हा भाविक नंग्या तलवारीचे पाच वार स्वतःच्या उघड्या पाठीवर व पोटावर घेतो. हे रोमहर्षक दृश्य पाहण्यासाठी प्रचंड मोठी गर्दी होत असते. शेवटी मंदिराजवळ भाविक लोटांगण घेतात व त्यावरून पालखी मंदिरात जाऊन विसर्जित होते.

यात्रेच्या तयारीसाठी ग्रामपंचायत कडून साफसफाई, विद्युत रोषणाई व पाणीपुरवठ्याची व्यवस्था सरपंच सौ दुर्गा विश्वनाथ दासे व उपसरपंच रणजितसिंघ कामठेकर व ग्रामसेवक डी.बी. आगलावे व आदी सदस्यांनी तयारी केली आहे. या यात्रेत सर्व भक्तांनी सहभागी होऊन सहकार्य करावे असे आवाहन यात्रा कमिटीच्या वतीने करण्यात आली आहे.

banner

संबंधित बातम्या वाचा

Leave a Comment

nandednewslive.com या वृत्तवाहिणी/पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.

Visitor counter NNL

Copyright @ 2011-2023 Online Social News Live Channel All Right Reserved -Developed & Designed by M&D Infotech Latur, Call – 86687 76434 

Are you sure want to unlock this post?
Unlock left : 0
Are you sure want to cancel subscription?
error: Content is protected !!