Saturday, January 28, 2023
Home आरोग्य एस.टी कर्मचारी व त्यांच्या कुटुंबीयासाठी मोफत आरोग्य तपासणी शिबिराचे आयोजन -NNL

एस.टी कर्मचारी व त्यांच्या कुटुंबीयासाठी मोफत आरोग्य तपासणी शिबिराचे आयोजन -NNL

by nandednewslive
0 comment

नांदेड| सध्या वातावरणातील बदलामुळे सर्वसामान्य जनतेस विविध आरोग्यविषयक तक्रारींना सामोरे जावे लागत आहे. यात एस. टी. महामंडळ कर्मचारी हि समाविष्ठ आहेत. रस्तेवाहतूक सुरक्षित प्रवास हा अत्यंत महत्वाचा आहे. महाराष्ट्र राज्य मार्ग परिवहन महामंडळ हे प्रवांशांची सेवा करणारे महामंडळ आहे.

राज्य परिवहन बसेसचे अपघात टाळण्यासाठी महामंडळा कडून नियमितपणे अपघात उपाययोजना करण्यात येत आहेत. त्या अनुषंगाने दरवर्षी जानेवारी महिन्यात राज्यभरात अपघात सुरक्षा अभियान राबविण्यात येते. यामध्ये वाहक, चालकांचे व यांत्रिक कर्मचारी यांचे प्रबोधन करण्यात येते. परिवहन विभाग, पोलीस विभाग व सामाजिक संस्था यांचे मार्फत अपघात टाळण्याच्या दृष्टीकोनातून मार्गदर्शनहि करण्यात येते.

याच सातत्याने व या प्रघातास अनुसरून व राज्य शासनाच्या “अपघात व सुरक्षा मोहीम २०२३” चे औचित्य साधून, महाराष्ट्र राज्य मार्ग परिवहन महामंडळ नांदेड व श्री गुरुजी रुग्णालय, छत्रपती चौक नांदेड यांच्या संयुक्त विद्यमाने एस.टी महामंडळातील वाहक, चालक कर्मचारी व त्यांच्या कुटुंबियासाठी मोफत आरोग्य तपासणी शिबिराचे आयोजन दि. २० जानेवारी २०२३ वेळ: सकाळी. १०.०० ते दु: २-०० पर्यंत एस.टी बस स्टॅड परिसर, नांदेड येथे करण्यात आले आहे.

या शिबिरात जनरल मेडीसीन, आर्थोपेडिक, डायबेटीज, सर्जन, डेंटल, फिजीओथेरपी ई. कन्सलटेशन (सल्ला व मार्गदर्शन) केले जाणार आहे. त्याच बरोबर दैनंदिन दिनचर्चेबाबत योग्य मार्गदर्शन, आजार व आहार संबंधित समुपदेशन संपूर्णतः मोफत असून यथोचित मार्गदर्शन केले जाणार आहे. तरी एस.टी महामंडळातील सर्व अधिकारी व कर्मचारी यांनी या “मोफत आरोग्य तपासणी शिबिराचा लाभ घेण्याचे संयुक्त आवाहन महाराष्ट्र राज्य मार्ग परिवहन महामंडळ नांदेड व श्री गुरुजी रुग्णालय नांदेडच्या व्यवस्थापनाकडून करण्यात येत आहे.

banner

संबंधित बातम्या वाचा

Leave a Comment

nandednewslive.com या वृत्तवाहिणी/पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.

Visitor counter NNL

Copyright @ 2011-2023 Online Social News Live Channel All Right Reserved -Developed & Designed by M&D Infotech Latur, Call – 86687 76434 

Are you sure want to unlock this post?
Unlock left : 0
Are you sure want to cancel subscription?
error: Content is protected !!