Tuesday, February 7, 2023
Home कंधार कौडगाव येथील तरूणाची आर्थिक विवंचनेतून आत्महत्या -NNL

कौडगाव येथील तरूणाची आर्थिक विवंचनेतून आत्महत्या -NNL

by nandednewslive
0 comment

उस्माननगर। कौडगाव ता.लोहा येथील तरुण मजदूराने आर्थिक विवंचनेतून गळफास घेऊन आत्महत्या केल्याची घटना शुक्रवारी दुपारी ३.३० वाजण्याच्या सुमारास उघडकीस आली.

कौडगाव ता.लोहा येथील कामाजी शंकर जोंधळे (३८) हा तरुण वाजेगाव येथील वीट भट्टीवर मजूर म्हणून कामाला होता. २० जानेवारी रोजी सकाळी त्याने पत्नीला मी कामानिमित्त गावाकडे जाऊन येतो म्हणून तो गावी आला. गावातील राहत्या घराच्या लोखंडी पाईपला त्याने पांढऱ्या नायलॉनच्या दोरीने गळफास घेऊन आत्महत्या केली.

ही घटना शुक्रवारी दुपारी साडे तीन वाजता उघडकीस आली. या बाबतची माहिती मिळाल्यावर उस्माननगर पोलिस ठाण्याचे पोलीस उपनिरीक्षक पी. के. केंद्रे, बीट जमादार आर. एम. कानगुले यांनी घटनास्थळी भेट देऊन पंचनामा केला. प्राथमिक आरोग्य केंद्र उस्माननगर येथे मृतदेह शवविच्छेदनासाठी आणण्यात आले होते व शवविच्छेदन करून त्यांचा नातेवाईकाच्या स्वाधीन करण्यात आले .

जोंधळे यांच्या मुलीचा विवाह ४ महिन्यापूर्वी झाला असून आर्थिक विवंचनेतून त्याने हे पाऊल उचलले असावे असे नातेवाईकांनी सांगितले. त्याच्या पश्चात पत्नी, मुलगा, २ मुली असा परिवार आहे. उस्माननगर पोलीस ठाण्याचे सहाय्यक पोलीस निरीक्षक पांडुरंग भारती यांच्या मार्गदर्शनाखाली उपनिरीक्षक प्रभू केंद्रे अधिक तपास करीत आहेत.

banner

संबंधित बातम्या वाचा

Leave a Comment

nandednewslive.com या वृत्तवाहिणी/पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.

Visitor counter NNL

Copyright @ 2011-2023 Online Social News Live Channel All Right Reserved -Developed & Designed by M&D Infotech Latur, Call – 86687 76434 

Are you sure want to unlock this post?
Unlock left : 0
Are you sure want to cancel subscription?
error: Content is protected !!