Tuesday, February 7, 2023
Home महाराष्ट्र प्रधानमंत्री नरेंद्र मोदी यांच्या ‘परीक्षा पे चर्चा’ कार्यक्रमाचे सूक्ष्म नियोजन करा -NNL

प्रधानमंत्री नरेंद्र मोदी यांच्या ‘परीक्षा पे चर्चा’ कार्यक्रमाचे सूक्ष्म नियोजन करा -NNL

by nandednewslive
0 comment

मुंबई| विद्यार्थ्यांनी परीक्षेच्या काळात तणावमुक्त राहावे यासाठी प्रधानमंत्री नरेंद्र मोदी २७ जानेवारी रोजी सकाळी ११ वा. विद्यार्थ्यांशी ‘परीक्षा पे चर्चा’ याविषयावर थेट संवाद साधणार आहेत. या कार्यक्रमाचे प्रत्येक शाळेत थेट प्रसारण करावयाचे असून शिक्षण विभागाने त्याचे सूक्ष्म नियोजन करावे, अशी सूचना शालेय शिक्षण व मराठी भाषा विभागाचे मंत्री दीपक केसरकर यांनी आज केली.

मंत्री श्री. केसरकर यांनी आज सकाळी बालभवन, मुंबई येथून जिल्हा परिषदेचे मुख्य कार्यकारी अधिकारी, महानगरपालिका आयुक्त आणि शिक्षण विभागाच्या अधिकाऱ्यांशी दूरदृश्य प्रणालीद्वारे संवाद साधला. त्यावेळी ते बोलत होते. यावेळी शालेय शिक्षण व क्रीडा विभागाचे प्रधान सचिव रणजितसिंह देओल यांच्यासह शिक्षण विभागाचे वरीष्ठ अधिकारी उपस्थित होते, शिक्षण आयुक्त सुरजकुमार मांढरे, राज्य शैक्षणिक संशोधन व प्रशिक्षण परिषदेचे संचालक कौस्तुभ दिवेगावकर हे दूरदृश्य प्रणालीच्या माध्यमातून सहभागी झाले होते.

मंत्री श्री. केसरकर यांनी सांगितले, की ‘परीक्षा पे चर्चा’ च्या पार्श्वभूमीवर राज्यात २५ जानेवारी रोजी नववी ते बारावीच्या विद्यार्थ्यांसाठी चित्रकला स्पर्धेचे आयोजन करण्यात यावे. या स्पर्धेचेही नियोजन शिक्षण विभागाने करून अधिकाधिक विद्यार्थी सहभागी होतील यासाठी प्रयत्न करावेत. या चित्रकला स्पर्धेसाठी विविध दहा विषय असतील. या स्पर्धेत प्रथम तीन क्रमांकाच्या विजेत्यांसह दहा उत्तेजनार्थ व २५ इतर विशेष बक्षिसे देण्यात येतील. पुरस्कार वितरण सोहळ्यासाठी स्थानिक लोकप्रतिनिधी आणि पालकांनाही निमंत्रित करावे, असेही त्यांनी सांगितले.

यावेळी प्रधान सचिव श्री. देओल यांनी सांगितले की, शिक्षणाधिकारी व प्रशासकीय अधिकाऱ्यांनी चित्रकला स्पर्धेचे परिपूर्ण नियोजन करावे. या स्पर्धेसाठी अडीच तासांचा वेळ असेल. या स्पर्धेसाठी जास्तीत जास्त विद्यार्थ्यांचा सहभाग नोंदवून त्यांची ऑनलाइन नोंदणी करून घ्यावी. यावेळी झालेल्या चर्चेत शिक्षण आयुक्त श्री. मांढरे, संचालक श्री. दिवेगावकर यांनी सहभाग घेतला.

banner

संबंधित बातम्या वाचा

Leave a Comment

nandednewslive.com या वृत्तवाहिणी/पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.

Visitor counter NNL

Copyright @ 2011-2023 Online Social News Live Channel All Right Reserved -Developed & Designed by M&D Infotech Latur, Call – 86687 76434 

Are you sure want to unlock this post?
Unlock left : 0
Are you sure want to cancel subscription?
error: Content is protected !!