मुखेड, दादाराव आगलावे। मातोश्री भीमाई व्याख्यानमाला संयोजन समितीच्या वतीने शुक्रवार दि.27 रोजी सायंकाळी ६ वाजता कोत्तावार ऑईल मील बाऱ्हाळी रोड मुखेड येथे ‘पसायदान’ या विषयावर महाराष्ट्रातील सुप्रसिद्ध विचारवंत सेवानिवृत्त सनदी अधिकारी इंद्रजित देशमुख, (सातारा) हे मातोश्री भीमाई व्याख्यानमालेचे 11 वे पुष्प गुंफणार आहेत.
व्याख्यानमालेच्या अध्यक्षस्थानी शिवलिंग बादशहा बेटमोगरा मठसंस्थानचे प्रमुख सिध्ददयाळ शिवाचार्य महाराज उपस्थित राहणार आहेत. या प्रसंगी जागतिक क्रीडा स्पर्धेत भारताचे नाव उज्ज्वल करणारी क्रीडा ऑलिम्पिक विजेती भाग्यश्री जाधव होंनवडज यांना गुरुवर्य पांडुरंगराव पुंडे स्मृती पुरस्कार देऊन संयोजन समितीच्या वतीने गौरविण्यात येणार आहे .
मुखेड येथील सुप्रसिद्ध सर्पदंश चिकित्सक मुखेड भूषण डॉ . दिलीप पुंडे यांनी गेल्या १० वर्षापासून आपल्या आईच्या नावाने स्मृतिप्रीत्यर्थ मातोश्री भीमाई व्याख्यानमालेची सुरुवात केली.व्याख्यानमालेतून सामाजिक प्रबोधन व्हावे ज्ञाना चा प्रसार व्हावा साहित्या ची गोडी निर्माण व्हावी. या हेतूने त्यांनी व्याख्यान माला मुखेड च्या भूमीत पुढाकार घेवून सुरू केली आहे.
व्याख्यानमालेचे पहिले पुष्प मुंबई येथील प्रसिद्ध कवी प्रशांत मोरे यांनी आई या विषयावर गुंफले , दुसरे पुष्प सातारा येथील प्रशिद्ध व्याख्याते प्राचार्य यशवंत पाटणे यांनी सुंदर जगण्यासाठी या विषयावर गुंफले , तिसरे पुष्प सातारा येथील डॉ . राजेंद्र पवार यांनी सुजाण पालकत्व या विषयावर गुंफले , चौथे पुष्प सावित्रीबाई फुले पुणे विद्यापीठ , येथील सुप्रसिद्ध वक्ते प्रा . तेज निवळीकर यांनी एकविसाव्या शतकासमोरील आव्हाणे या विषयावर गुंफले . पाचवे पुष्प पुणे येथील संत साहित्याचे गाढे अभ्यासक तथा सुप्रसिद्ध वक्ते डॉ . रामचंद्र देखणे यांनी ज्ञानदेवे रचिला पाया .. तुका झालासे कळस .. या विषयावर गुंफले . सहावे पुष्प जेष्ठ समाजसेवक तथा जीवनशैली व आरोग्य विषयाचे अभ्यासक अमरावती येथील डॉ . अविनाश सावजी यांनी शतायुषी व्हा , पासवर्ड आरोग्याचा या विषयावर गुफले .
सातवे पुष्प ताण तणाव तथा नातेसंबंध समूपदेशक डॉ . सचिन देशमुख औरंगाबाद हे स्वभावालाही औषध असते या विषयावर गुंफले . आठवे पुष्प औरंगाबाद येथील जगन्नाथ दिक्षीत यांनी विनासायास वेट लॉस या विषयावर गुंफले . नववे पुष्प नांदेड येथील डॉ . श्रीराम राठोड व महाराष्ट्र राज्याचे अपंग विभागाचे माजी आयुक्त आर.के. गायकवाड यांनी विपश्चना परीचय व अनुभूती या विषयावर गुंफले तर 10 व पुष्प जीवन ज्यांना कळले हो या विषयावर महाराष्ट्रातील सुप्रशिद्ध विचारवंत प्राचार्य डॉ . यशवंत पाटणे, (सातारा) यांनी गुंफले आहे.
प्रत्येक पुष्पात समाजातील विविध क्षेत्रातील उल्लेखनीय कार्य करणाऱ्या एका व्यक्तीचा सन्मान प्रतिवर्षी करण्यात येतो. दि . 27 रोज शुक्रवारी महाराष्ट्राचे प्रशिद्ध विचारवंत इंद्रजित देशमुख हे पसायदान या विषयावर एकादशकपुर्ती पुष्प गुंफणार आहेत . व्याख्यानमालेचा लाभ तालुक्यातील नागरिकाने घ्यावा असे आवाहन , आयोजक संयोजक मुखेडभूषण डॉ . दिलीप पुंडे, सौ. वनमाला पुंडे , डॉ . गौरव पुंडे , डॉ . तेजस्वीनी पुंडे , यांच्यासह मातोश्री भीमाई व्याख्यानमाला संयोजन समितीच्या वतीने करण्यात आले आहे.
