Thursday, February 2, 2023
Home भोकर शिक्षकांच्या सर्व मागण्या,समस्या सोडविण्यासाठी प्रा.किरण पाटील यांना निवडून द्या-खा. चिखलीकर -NNL

शिक्षकांच्या सर्व मागण्या,समस्या सोडविण्यासाठी प्रा.किरण पाटील यांना निवडून द्या-खा. चिखलीकर -NNL

by nandednewslive
0 comment

भोकर, गंगाधर पडवळे। शिक्षक मतदार संघाच्या निवडून प्रचाराला सुरुवात झाली असून त्या निमित्ताने नांदेड जिल्ह्याचे खासदार प्रताप पाटील चिखलीकर व जिल्ह्यातील सर्व वरिष्ट पदाधिकारी यांनी भोकर येथे त्या निमित्त मतदार शिक्षकां सोबत बैठक घेऊन त्यांच्या समस्या जाणून घेतल्या असता येणाऱ्या निवडणुकीत भारतीय जनता पार्टी महाराष्ट्र राज्य शिक्षक परिषदेचे अधिकृत उमेदवार प्रा. किरण पाटील यांना भरघोस मतांनी निवडून द्या तुमच्या सर्व समस्या,मागण्या आम्ही खात्रीने पूर्ण करू असे यावेळी आश्वासित केले.

प्रा. किरण पाटील यांच्या प्रचारार्थ भोकर तालुका नियोजन बैठकीचे आयोजन भोकर शहरातील माऊली फँक्शन हॉल येथे करण्यात आले होते या नियोजन बैठकीचे मार्गदर्शक खा. प्रताप पाटील चिखलीकर, डॉ. माधवराव पाटील किन्हाळकर,हे होते तर अध्यक्ष भारतीय जनता पार्टी नांदेड जिल्हाध्यक्ष व्यंकटराव पाटील गोजेगावकर, आणि प्रमुख पाहुणे म्हणून गंगाधरराव जोशी, डॉ. माधवराव उंचेकर यांची उपस्थिती होती. मंचावर जिल्हा उपाध्यक्ष दिलीप सोनटक्के,गणेश पाटील कापसे, तालुकाध्यक्ष किशोर पाटील लगळूधकर, सुभाष पाटील कोळगावकर, आदींची उपस्थिती होती.

सदरील बैठकीत शिक्षकांच्या समस्या जानुन घेऊन खा. प्रताप पाटील म्हणाले की प्रश्न पेन्शन चा असो, अनुदानचा असो,या अनुदाणोत्तर,अनुदानचा अथवा इतर कोणतेही असो आमचे सरकार तुमच्या बद्दल सकारात्मक आहे परवाच मुख्यमंत्री यांनी तसे विधानही केले असून या निवडणुकी नंतर ते नक्कीच तुमच्यासाठी चांगला, योग्य तो निर्णय घेतील यात शंका नाही.

परंतु तुमच्या सर्व समस्या, अडी अडचणी सोडविण्यासाठी एक चांगला सक्षम, हुशार, उमेदवार म्हणून भारतीय जनता पार्टी ने व मित्र पक्षाने प्रा. किरण पाटील यांना निवडणूक रिंगणात उभे केलं आहे त्या साठी भोकर तालुक्यातील सर्व मतदार शिक्षक बंधू, भगिनींनी भरघोस मतांनी निवडून द्यावे अशी विनंती केली आहे. सध्या राज्यात पाच ही उमेदवार हे भारतीय जनता पार्टीचे निवडून येण्यासारखी परिस्थिती आहे त्या मुळे भोकर तालुका या बाबतीत भारतीय जनता पार्टी च्या उमेदवारा सोबत राहिला पाहिजे असे ही ते यावेळी म्हणाले तत्पूर्वी शहरातील श्री शाहू महाराज विद्यालय येथे ही धावती भेट देऊन तेथीलही शिक्षकांचे मते मिळविण्यासाठी त्यानां मार्गदर्शन करून प्रयत्न केला.

banner

संबंधित बातम्या वाचा

Leave a Comment

nandednewslive.com या वृत्तवाहिणी/पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.

Visitor counter NNL

Copyright @ 2011-2023 Online Social News Live Channel All Right Reserved -Developed & Designed by M&D Infotech Latur, Call – 86687 76434 

Are you sure want to unlock this post?
Unlock left : 0
Are you sure want to cancel subscription?
error: Content is protected !!