नायगांव, रामप्रसाद चन्नावार। संबंध जिल्हाभरात प्रसिद्ध असलेल्या रातोळी येथे प्रतिवर्षाप्रमाणे यावर्षीही श्री. रोकडेश्वर महाराज यात्रा महोत्सवात सात दिवशीय किर्तन सप्ताह सोहळा, नयनरम्य आतिषबाजी, पालखी, गणगवळण, भारुड , जंगी कुस्त्यांचा फड यासह लोककला व लावणी महोत्सवाचे आयोजन करण्यात आलेले आहे.
जिल्ह्यात प्रसिद्ध असलेल्या रातोळी येथील रोकडेश्वर महाराज यात्रा महोत्सवाचे आयोजन यंदा दि. ३० जाने. ते दि. ७ फेबुवारी या काळात ही यात्रा संपन्न होत आहे. या काळात विविध नामवंत किर्तनकाराची मेजवानी तसेच दि.5 फेबु्वारी रोजी पालखी मिरवणुक, नयनरम्य आतिषबाजी व दि.6 फेब्रुवारी रोजी काल्यांचे किर्तन व जंगी कुसत्यांचा फड इत्यादी कार्यक्रम आयोजित केलेले आहेत.
या यात्रा महोत्स्वातून परिसरातील नागरिकांना सामाजिक व सांस्कृतिक कार्यकमांची मेजवानी रातोळीकर यांच्या अथांग प्रयत्न व सेवा सहकार्याने मिळत असते. या यात्रेत भाविक भक्तांनी सहभागी व्हावे असे आवाहन यात्रा कमिटी रातोळी व समस्त गावकरी मंडळी यांनी केले आहे.
दि. 7 फेब्रुवारी रोजी लोककला व लावणी महोत्सव
महाराष्ट्राची लोककला व लावणी या कला आविस्कारातुन नवोदीत कलाकारांना एक व्यासपीठ तयार करून देण्याचा आगळावेगळा उपक्रम रातोळीकर गेल्या अनेक वर्षापासून निरंतरपणे जोपासित आहेत. लोककला व लावणी महोत्सव रातोळी यात्रेच मुख्य आकर्षण आहे. दि. 7 फेबुवारी रोजी सकाळी 10 ते सायं. 6 वाजेपर्यंत लोककला व लावणी महोत्सव आयोजित करण्यात आलेला आहे अशी माहिती ग्रामसेवक संघटनेचे तालुकाध्यक्ष टी. जी. पाटील रातोळीकर यांनी दिली.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.