हदगाव /तामसा, गजानन जिदेवार। तामसा – नांदेड रोडवर असलेल्या पाटबंधारा विभागाच्या लोहा पाटीलजवळील पिंपराळा तलावाच्या निर्मितीपासून उभारण्यात आलेला व तलावावर देखरेख करणाऱ्या कर्मचाऱ्यांसाठी शासनाचा मोठा निधी खर्च करून बांधण्यात आलेला डाकबंगला अज्ञाताने जेसीबीच्या साह्याने रातोरात उध्वस्त केला, असल्याची धक्कादायक प्रकार उघडकीस आला असली तरी कुंभकर्णी झोपेत असलेले तामसा पाटबंधारे विभागाने यावर अद्याप कुठली कारवाई केली नसल्याने पाटबंधारे विभागाच्या भूमिकेवर संशय व्यक्त केला जात आहे.
तामसा पाटबंधारे विभागांतर्गत येणाऱ्या तामसा – नांदेड रोडवरील लोहापाटीलजवळ असलेल्या पिंपराळा तलावाच्या निर्मितीपासून तलावावर देखरेख ठेवण्यासाठी शासनाचा मोठा निधी खर्च करून एक विशेष दगडी पक्के बांधकाम केलेले निवासस्थान अर्थात डागबंगला बांधण्यात आला होता. काही वर्षापासून ह्या डागबंगल्याची कमालीची मोडतोड झाली होती. त्यामुळे डाग बंगल्याचा वापर बंद झाला होता. त्याकडे पाटबंधारे विभागाने देखील दुरुस्तीच्या उद्देशाने कधीच बघितले नाही. राहण्यास अयोग्य आणि पडझड झालेल्या डाकबंगल्याकडे तामसा पाटबंधारे विभागाने कमालीचे दुर्लक्ष केले होते. तेथे कोणीही राहत नसल्याचे पाहून रात्रीच्या वेळी अनेक अनुचित प्रकार सातत्याने घडत असल्याचे जवळपासच्या नागरिकांनी बोलून दाखवले होते.
कालांतराने पाटबंधारे विभागाच्या दुर्लक्षितपणामुळे हा डाकबंगला बेवारस झाला होता. याचाच फायदा घेऊन अज्ञात व्यक्तीने तो डाकबंगला जेसीबीच्या साह्याने रातोरात उध्वस्त केल्याचा धक्कादायक प्रकार उघडकीस आला. असे असताना तामसा पाटबंधारे विभागाचा कुठलाही अधिकारी किंवा कर्मचाऱ्यांनी त्या ठिकाणी जाऊन साधी विचारपूस करण्याचे औदार्य दाखवलेले नाही. किंवा कुठलीही कारवाई करण्याचे धाडस दाखवले नाही. त्यामुळे नेमका हा डाकबंगला कोणाचा? त्या बंगल्याची जागा नेमकी कोणाची? हा संशोधनाचा विषय बनला आहे.
तामसा पाटबंधारे विभाग अंतर्गत येणाऱ्या पिंपराळा तलावाचा बंगला अज्ञाताने उध्वस्त केला असताना पाटबंधारे विभागाने कुठलीही कारवाई केली नसल्याने पाटबंधारे विभागाचा डाकबंगला असलेली जागा संबंधित शेतकऱ्याची? की पाटबंधारे विभागाची? याबाबत संभ्रम निर्माण झाला आहे. पाटबंधारे विभागाचा डाकबंगला पाडताना अज्ञात व्यक्तीने संबंधितांकडून कुठलीही परवानगी न घेता डाकबंगला उध्वस्त केल्याचे सांगण्यात आले.
तामसा पाटबंधारे विभागाच्या रामभरोसे कारभारामुळे केदारनाथ तलावाच्या तामसा शहरातून जाणाऱ्या सात मायनर धनदांडग्यानी अतिक्रमण करून अख्खा कॅनल अतिक्रमणधारकांच्या घशात घालण्याचा प्रकार ताजा असतानाच तामसा ते नांदेड रोडवर असलेल्या पिंपराळा तलावाचा डाकबंगला देखील अज्ञाताने तलावाच्या निर्मितीपासून उभारण्यात आलेला व तलावावर निगराणी ठेवण्यासाठी बांधण्यात आलेल्या लाखो रुपयाचा डाकबंगला रातोरात जेसीबीच्या साह्याने उध्वस्त केल्याची घटना उघडकीस आली.
हा एक चर्चेचा विषय असताना पाटबंधारे विभागाचे कोणतेही कर्मचारी किंवा अधिकारी या ठिकाणी उपस्थित झाले नाहीत. किंवा कुठल्याही प्रकारची धडक कारवाई केली नसल्याचे दिसून येत असल्याने हा प्रकार अत्यंत संशयास्पद असल्याचे बोलल्या जात आहे. केदारनाथ तलावाचा तामसा शहरातून जाणारा सात मायनर जसा अतिक्रमण धारकांच्या घशात घालण्याचा प्रकार चालू आहे.
त्याचप्रमाणे लोहापाटीजवळील पिंपराळा तलावावर निगराणी ठेवण्यासाठी पाटबंधारे विभागाने त्याकाळी लाखो रुपये खर्च करून पक्क्या स्वरूपात बांधलेला डाक बंगला अज्ञाताने उध्वस्त करून तोही अतिक्रमण धारकांच्या घशात घालण्याचा हा प्रकार तर नाही ना? असा संताप जनक सवाल शेतकऱ्यातून विचारला जात आहे. पाटबंधारे विभाग यावर काय कारवाई करणार याकडे सर्वांचे लक्ष लागले आहे.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.