बीड। महाराष्ट्राचे राज्यपाल भगतसिंग कोश्यारी यांच्या हस्ते राजभवन मुंबई येथे राज्यभरातील दंतचिकित्सकांना ‘एक्सलन्स इन डेन्टिस्ट्री’ पुरस्कार प्रदान करण्यात आला.
बीड शहरातील दत्तनगर भागात राहणारे युवाउद्योजक ‘डॉ.शुभम मुंडे’ यांच्या दंतचिकित्सकांच्या “मेडियुष” या संस्थेने हा कार्यक्रम आयोजित केला होता. महाराष्ट्र शासनाच्या ‘स्वच्छ मुख अभियान’च्या लोगो आणि टॅगलाइनचेही राज्यपालांच्या हस्ते अनावरण करण्यात आले.
या कार्यक्रमात डॉ.शुभम यांना ‘युथ आयकॉन ऑफ ईयर’ या पुरस्काराने सुद्धा सन्मानित करण्यात आले. संस्थापक डॉ.विश्वेश ठाकरे , सोमेश माने, मेडियुष सहसंस्थापक डॉ गोविंद भताने, सीएफओ शुभम लामगे,वैद्यकीय शिक्षण सहसंचालक डॉ विवेक पाखमोडे, इंडियन डेंटल असोसिएशनचे डॉ अशोक ढोबळे, सौंदर्य व सौंदर्यवर्धक दंततज्ज्ञ डॉ संदेश मयेकर, डॉ दर्शन दक्षिणदास आणि दंतचिकित्सा क्षेत्रातील डॉक्टर आणि तज्ञ उपस्थित होते.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.