नांदेड। नांदेड जिल्ह्यातील देगलूर तालुक्यातील सीमा भागातील प्रश्न समजून घेण्यासाठी देगलूर येथील उपजिल्हाधिकारी यांच्या कार्यालयात 15 फेब्रुवारी 2023 सकाळी 11 वाजता बैठक घेण्यात येणार असल्याचे जिल्हाधिकारी कार्यालयाच्या सूत्रांनी सांगितले.
नांदेड जिल्ह्यातील सीमा भागातील प्रश्न समजून घेऊन ते तातडीने सोडवण्यासाठी याचबरोबर दीर्घ मुदतीचे विकास विषयक प्रश्न शासन दरबारी मांडण्यासाठी आराखडा तयार करण्यासाठी महसूल विभागाच्या उपविभागीय कार्यालयात बैठक घेण्याचे आदेश जिल्हाधिकारी श्रीमान अभिजीत राऊत यांनी दिले होते.
मा. जिल्हाधिकारी यांच्या आदेशानुसार देगलूर तालुक्यातील सीमावर्ती भागातील प्रश्न समजून घेऊन तातडीने सोडविण्यासाठी बुधवार दिनांक 15 फेब्रुवारी 2023 रोजी सकाळी अकरा वाजता बैठक घेण्यात येणार असल्याचे जिल्हाधिकारी कार्यालयाच्या सूत्रानी सांगितले. प्रमुख समन्वयक श्री गोविंद मुंडकर, समन्वयक श्री नरसिंगराव देशमुख यासह विविध समन्वयक आणि सहभागीदार या बैठकीस उपस्थित राहणार असल्याचे सांगण्यात आले. या बैठकीत मांडले जाणारे प्रश्न आणि प्रश्न सोडवण्याविषयी प्रशासनाची तत्परता याबाबीकडे अनेकांचे लक्ष लागून आहे.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.