नायगाव, रामप्रसाद चन्नावार। शरदचंद्र महाविद्यालय नायगाव ( बा .) येथे ग्रंथालयात मराठी भाषा संवर्धन पंधरवडा निमित्त विविध उपक्रमाचा एक भाग म्हणून ग्रंथालय विभागाच्या वतीने मराठी साहित्याचे भव्य प्रदर्शन भरवण्यात आले होते .
या एक दिवसीय ग्रंथ प्रदर्शनाचे उद्घाटन प्रसिद्ध कवी व चित्रकार श्री .बालाजी पेटेकर यांच्या हस्ते करण्यात आले . कार्यक्रमाचे अध्यक्ष प्राचार्य , के . हरिबाबू हे होते . कार्यक्रमाचे प्रास्ताविक ग्रंथपाल डॉ . बी .आर . लोकल वार यांनी केले तर उद्घाटनास उत्तर देताना श्री . बालाजी पेटेकर म्हणाले आज मराठी भाषेचा गौरव करण्याबरोबरच अशा ग्रंथ प्रदर्शनातून मराठी भाषेचे चिंतन करण्याची वेळ आली आहे .
मराठी भाषेच्या संवर्धनासाठी ग्रंथालयाने विविध प्रकारचे वाचन साहित्य वाचकांना उपलब्ध करून द्यावे व मराठी भाषेला वैभव प्राप्त करून द्यावे . याचबरोबर महाविद्यालयातील ज्येष्ठ प्रा . डॉ .शंकर गड्डमवार प्रो डॉ . बलभीम वाघमारे यांनी देखील आपले मनोगत व्यक्त केले मनोगतात मातृभाषेचा सन्मान व संवर्धन करणे प्रत्येक महाराष्ट्रीयन व्यक्तीचे कर्तव्य आहे . मराठी भाषा ही आपुलकी निर्माण करणारी आहे .तर इंग्रजी भाषा ही जागतिक ज्ञान देणारी भाषा आहे . अशा सर्व प्रकारचे ग्रंथ ग्रंथालयात वाचकांसाठी उपलब्ध आहेत .
यासाठी अशा ग्रंथ प्रदर्शनातून आपल्याला न संपणारे असे मौल्यवान धन असून ग्रंथ सामान्यातील सामान्य माणसाला घडवत असते . असे मनोगतात डॉ . बलभीम वाघमारे यांनी व्यक्त केले . तत्पूर्वी प्रमुख पाहुण्यांचे ग्रंथालयाच्या वतीने शाल व ग्रंथ देऊन ग्रंथपाल डॉ . बी आर . लोकलवार व प्राचार्य के . हरिबाबु यांनी त्यांचा सत्कार केला . या भव्य ग्रंथ प्रदर्शनास महाविद्यालयातील विद्यार्थी व सर्व प्राध्यापकांनी उपस्थित राहून मराठी ग्रंथ साहित्याचा मनमुराद आस्वाद घेतला .
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.