नांदेड| महाराष्ट्र शासनाच्या शालेय शिक्षण व क्रीडा विभागाद्वारे सन २०२१-२२ या वषार्साठी दिला जाणारा क्रांतीज्योती सावित्रीमाई फुले राज्य शिक्षक गुण गुणगौरव पुरस्कार कें.प्रा.शा.ब्रँच मुखेड येथील सहशिक्षक डॉ.शिवाजी कराळे यांना मुंबई उपनगरचे पालकमंत्री तथा पर्यटन,कौशल्य विकास,महिला व बालविकास मंत्री ना.मंगलप्रभात लोढा यांच्या हस्ते देण्यात आला.
मुंबईतील रंग शारदा सभागृहात दि. २४ फेब्रुवारी २०२३ रोजी हा पुरस्कार सोहळा संपन्न झाला.या प्रसंगी आ.कपिल पाटील,शालेय शिक्षण विभागाचे प्रधान सचिव रणजितसिंह देओल,शिक्षण सचिव सूरज मांढरे,विद्या प्राधिकरणाचे संचालक कौस्तुभ दिवेगावकर,माध्यमिक व उच्च माध्यमिक शिक्षण संचालक कृष्णकुमार पाटील,प्राथमिक शिक्षण संचालक शरद गोसावी यांची प्रमुख उपस्थिती होती.
त्यांना प्राप्त झालेल्या सन्मानाबद्दल जि.प.नांदेडच्या मुख्य कार्यकारी अधिकारी श्रीमती वर्षा ठाकूर-घुगे, शिक्षणाधिकारी सौ.सविता बिरगे, प्रशांत दिग्रसकर, प्राचार्य मनोहर तोटरे, गटशिक्षणाधिकारी कैलास होनधरणे, मुख्याध्यापक जी.सी.चव्हाण, देवीदासराव बस्वदे, विस्तार अधिकारी विठ्ठलराव वडजे, दिलीपराव देवकांबळे यांच्यासह अनेक मान्यवरांनी अभिनंदन केले आहे.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.