नांदेड| आशांचा प्रोत्साहन भत्ता बँक खात्यावर टाकण्यात यावा ही मागणी घेऊन सीटू संलग्न आशा व गट प्रवर्तक फेडरेशनच्या आशांनी जिल्हाधिकारी कार्यालयासमोर एकदिवशीय उपोषण करून २३ तारखेपासून सुरु असलेल्या आंदोलनास पाठिंबा दिला.
आशांच्या मागण्या महापालिकेच्या आयुक्त आणि आरोग्य विभागाशी संबंधित असल्यामुळे अतिरिक्त आयुक्त गिरीष कदम यांनी तातडीने दखल घेत आरोग्य अधिकारी डॉ.बिसेन व आरोग्य अभियानातील इतर जबाबदारांच्या उपस्थितीत आपल्या कक्षात बैठक बोलावून पुढील सर्व साधारण सभेत मंजूरी घेऊन पूर्ण सहकार्य करण्याचे आश्वासन दिले.
एक आठवड्या पासून सुरु असलेल्या आंदोलनामध्ये थोडा बदल करण्यात आला असून दि.२८ फेब्रुवारी पासून अमरण उपोषणा ऐवजी नव्याने पत्र देऊन साखळी उपोषण करण्याचा निर्णय माकप,सीटू व जनवादी महिला संघटनेने घेतला असून तसे रीतसर पत्र दि.२८ रोजी प्रशासनास देण्यात येईल आणि एक मार्च रोजी तिसरे आंदोलन सुरु करीत असल्याचे सीटूच्या राज्य सचिव कॉ. उज्वला पडलवार यांनी घोषित केले आहे.
साखळी उपोषण आणि धरणे आंदोलन किमान ५ एप्रिल पर्यंत चालविण्याचा मानस त्यांनी व्यक्त केला.आंदोलनाचे नेतृत्व कॉ.गंगाधर गायकवाड, कॉ.श्याम सरोदे, कॉ.करवंदा गायकवाड,कॉ.जयराज गायकवाड, कॉ. सोनाजी कांबळे,कॉ.लता गायकवाड, अनुसया कांबळे,कॉ.भास्कर पाटोळे, दतोपंत इंगळे आदींनी केले. आम आदमी पक्षाचे नेते नरेंद्रसिंग ग्रंथी, ऍड.अनुप आगासे,पवार व इतर पदाधिकाऱ्यांनी पाठिंबा दिला.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.