मुंबई। होलिस्टिक हेल्थ आणि आरोग्य एक्स्पो – २०२३ आयोजन समितीच्या वतीने दि. ११ व १२ मार्च २०२३ रोजी रामभाऊ म्हाळगी प्रबोधिनी , केशव सृष्टी , उत्तन ,भाईंदर , येथे आयोजित करण्यात आले आहे.
ऊर्जा फाऊंडेशन व आरोग्य भारती यांच्या संयुक्त विद्यमाने आंतरराष्ट्रीय परिषद होलिस्टिक हेल्थ आणि आरोग्य एक्स्पो – २०२३ चे अध्यक्ष डॉ. विजय जंगम (स्वामी ) यांच्या नेतृत्वाखाली ही आंतरराष्ट्रीय परिषद आयोजित करण्यात आली आहे. याबाबत माहिती देताना आयोजक डॉ. विजय जंगम (स्वामी ) यांनी सांगितले की ही आंतरराष्ट्रीय परिषद जगभरातील सर्वांगीण आरोग्यास प्रोत्साहन देण्यासाठी आणि प्रतिबंधात्मक आणि उपचारात्मक आरोग्य सेवा प्रणालींच्या फायद्यांबद्दल जागरूकता पसरवण्यासाठी वचनबद्ध असलेल्या होलिस्टिक हेल्थकेअर संस्था ,व्यावसायिक, वैद्य आणि तज्ञांना एकत्र आणण्यास समर्थ असे आंतरराष्ट्रीय व्यासपीठ असेल. या परिषदेत जगभरातील अनेक देशांमधून ५००० हून अधिक प्रतिनिधी आणि ५०० हून अधिक तज्ज्ञ, संशोधक, आरोग्य वैज्ञानिक उपस्थित असतील.
या परिषदेत इंटिग्रेटेड मेडिसिन धोरणाबद्दल जागरूकता आणि आरोग्यसेवेचे भविष्य या विषयांवर पॅनेल चर्चा, कार्यशाळा आणि मुख्य भाषणे यांचा समावेश असेल. तसेच या कार्यक्रमाचाच एक म्हणून सर्वसामान्य लोकांसाठी मोफत आरोग्य तपासणी शिबीर व प्राकृतिक उपचार याचे आयोजन केले आहे. या शिबीरासाठी मुंबई, ठाणे, नवी मुंबई, पालघर, पुणे व नाशिक येथून अधिकाधिक लोकांचा सहभाग असणार आहे.
याच वेळी आयोजित आरोग्य एक्स्पो होलिस्टिक हेल्थ सेवा क्षेत्रातील नवीनतम उत्पादने आणि सेवांचे प्रदर्शन करण्यासाठी एक उत्तम व्यासपीठ उपलब्ध केले आहे.आपल्या प्राचीन वैद्यक पद्धतींचे सखोल ज्ञान पुनरुज्जीवित करणे आणि या आयुष प्रणालींचा इष्टतम विकास , प्रचार आणि प्रसार करणे या आयुष विभागाच्या संकल्पाशी संलग्नित विचार आंतरराष्ट्रीय परिषद होलिस्टिक हेल्थ आणि आरोग्य एक्स्पो च्या माध्यमातून मांडण्याचा आमचा प्रयास आहे, असे ऊर्जा फाऊंडेशनचे अध्यक्ष डॅा. विजय जंगम(स्वामी) यांनी सांगितले.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.