नांदेड। आज स्त्री ही केवळ डॉक्टर, इंजिनीअर या क्षेत्रापूर्तीच मर्यादित नसून देशाची प्रथम नागरिक राष्ट्रपती या पदावर महिलांनी आपले कतृत्व सिद्ध करून दाखविलेले आहे. प्रत्येक क्षेत्रामध्ये स्त्री ही पुरुषाच्या बरोबरीने काम करू लागलेली असून देशाच्या प्रगतीसाठी तिचे खूप मोठे योगदान असल्याचे जिल्हा शल्यचिकित्सक डॉ. निळकंठ भोसीकर यांनी सांगितले. आज जिल्हा रुग्णालयात जागतिक महिला दिनानिमित्त आयोजित कार्यक्रमात ते बोलत होते.
प्रत्येक पुरुषांच्या प्रगती मागे एका स्त्रीचा हात असतो असे अतिरिक्त जिल्हा शल्यचिकित्सक डॉ. संतोष सिरसीकर यांनी उपस्थित महिलांना मार्गदर्शन करताना सांगितले. नोडल अधिकारी डॉ. हनुमंत पाटील यांनी देशातील स्त्रियांच्या प्रगतीमागे सावित्रीबाई फुले यांचे खूप मोठे योगदान मिळालं असून, त्यांनी स्त्रियांसाठी शैक्षेणिक क्षेत्रामध्ये केलेली कामगिरी ही उल्लेखनिय आहे.
त्यांच्यामुळेच आज भारत देशातील स्त्री ही साक्षर झाली व पुरुषांच्या बरोबरीने काम करू लागली. या कार्यक्रमास डॉ. एन अन्सारी, डॉ. रोशनारा तडवी, डॉ. अर्चना बजाज, प्राचार्य द्वारकादास मेड, मेट्रन सुरेखा जाधव व वैद्यकीय अधिकारी व कर्मचारी उपस्थित होते. कार्यक्रमाचे प्रास्ताविक श्रीमती विद्या बापटे यांनी केली.
हा कार्यक्रम यशस्वी करण्यासाठी डॉ. उमेश मुंडे, सुवर्णकार सदाशिव यांनी परिश्रम घेतले. बालाजी गायकवाड यांनी कार्यक्रमाचे सूत्रसंचालन केले व आभार प्रदर्शन आर. एम. ओ. डॉ. एच के साखरे यांनी केले.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.