नवीन नांदेड। महाराष्ट्र राज्य लोकसेवा आयोगामार्फत राज्यसेवा मुख्य परीक्षा-२०२१ च्या झालेल्या परीक्षेची सर्वसाधारण गुणवत्ता यादी नुकतीच जाहीर करण्यात आली.
यामध्ये नवीन नांदेड सिडको भागातील रहिवासी असलेले तथा जनता शिक्षण प्रसारक मंडळ,उमरदरी ता.मुखेड जि.नांदेड व्दारा संचलित शिवाजी माध्यमिक व उच्च विद्यालय, सिडको नांदेड शाळेचे माजी विद्यार्थी बालाजी शिवाजी राव कदम मंगलसांगवी रा.काकांडी (दरा)यांनी राज्यात बारावा तर जिल्ह्यात पहिला येण्याचा बहुमान मिळवून क्लास वन अधिकारी म्हणून त्यांची निवड झाली आहे.
त्यांच्या या यशाबद्दल जनता शिक्षण प्रसारक मंडळ, उमरदरी संस्थेचे अध्यक्ष शिवाजीराव नागोराव जाधव व संस्थेचे उपाध्यक्ष तथा शाळेचे उपमुख्याध्यापक रवि शिवाजीराव जाधव यांच्या हस्ते शिवाजी विद्यालयात बालाजी कदम व त्याचे वडील शिवाजीराव कदम यांचा यथोचित सत्कार करण्यात आला.
यावेळी शाळेचे माजी मुख्याध्यापक प्रा व्ही के हंगरगेकर पर्यवेक्षक एन एम भारसावडे, नरसिंह विद्या मंदिर प्रा. शाळेच्या मुख्याद्यापीका सौ.व्ही. एन.एकुंडवार व सहशिक्षक एस.आर. बिरगे,वसंत वाघमारे यांच्यासह सर्व प्राध्यापक, शिक्षक व शिक्षकेतर कर्मचाऱ्यांची उपस्थिती होती.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.