मुखेड। राज्य संघटनेचे अध्यक्ष रामेश्वर वाघमारे,कार्यकारी अध्यक्ष विश्वनाथ घुगे व संघटक वैजनाथ स्वामी व सतीश देशमुख,राज्य उपाध्यक्ष तथा मराठावाडा अध्यक्ष मारोतराव गायकवाड यांच्या आवाहनानुसार नांदेड जिल्हयातील नगरपालिका व नगर पंचायत व संवर्ग कर्मचारी यांनी 14 मार्चपासून होणा-या संपात सहभागी व्हावे असे आवाहन म.रा.नपा कर्मचारी/संवर्ग कर्मचारी संघटनेचे जिल्हाध्यक्ष बलभिम शेंडगे यांनी केले आहे.
राज्यातील नगर पालिका,नगर पंचायत मधील सर्व कर्मचा-यांना शासकीय कर्मचा-यांसोबतच जुनी पेंशन योजना लागू करण्यात यावी. राज्यातील नगर पालिका,नगर पंचायत मधील सर्व कर्मचा-यांना शासकीय कर्मचा-यांप्रमाणे सेवार्थ आयडी लागू करुन 100 टक्के वेतन व सेवानिवृत्ती वेतन शासनामार्फत शासकीय कोषागारामार्फत देण्यात यावे. राज्यातील नगर पंचायत मधील उद्घोषणेनंतरचे व पुर्वीचे राहिलेल्या सर्व कर्मचाऱ्यांचे विनाअट समावेशन करणे, ईतर कर्मचाऱ्यांप्रमाणे 10,20,30 आश्वासित प्रगती योजना लागू करावी. नगर परिषदेमधील वर्ग 3 व वर्ग 4 कर्मचा-यांना तात्काळ पदोन्नती देण्यात यावी.
नगर परिषदेमधील वरिष्ठ लिपीक यांना उपमुख्यअधिकारी पदावर पदोन्नती देण्यात यावी आदी मागण्या अनेक वर्षापासून शासन दरबारी मांडल्या जातात. परंतू या मागण्यांचा विचार न झाल्यामुळे नाईलाजास्तव संपावर जावे लागत आहे. तेंव्हा नांदेड जिल्हयातील सर्व न.प.कर्मचा-यांनी या संपात सहभागी होवून आपली शक्ती दाखवावी असे आवाहन म.रा.नपा कर्मचारी/संवर्ग कर्मचारी संघटनेचे जिल्हाध्यक्ष बलभिम शेंडगे,जिल्हा उपाध्यक्ष लालू सोनकांबळे, जिल्हा सेक्रेटरी जितेंद्र ठेवरे यांनी केले आहे.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.