हदगाव, गजानन जिदेवार। विधान भवन मुंबई येथे महाराष्ट्राचे महसूल मंत्री राधाकृष्ण विखे पाटील यांच्या अध्यक्षतेखाली अध्यक्ष यांच्या दालनात हदगाव हिमायतनगर तालुक्यातील विविध विभागाच्या खाते प्रमुखांची आढावा बैठक संपन्न झाली. या बैठकीत हदगाव हिमायतनगर तालुक्यातील विविध विकास कामे व प्रश्नाच्या संदर्भात आढावा घेऊन संबंधित अधिकाऱ्यांना सूचना व आदेश महसूल मंत्री ना.राधाकृष्ण विखे पाटील यांनी दिले आहेत.
हदगाव हिमायतनगर तालुक्यातील पोलीस पाटील यांची रिक्त पदे भरण्यात यावी, तलाठी कार्यालय, मंडळअधिकारी कार्यालय, तामसा येथे अप्पर तहसील कार्यालय स्थापन करणे, उमरी जहागीर येथे पशुसंवर्धन श्रेणी एक दवाखाना व इतर अनेक विभागातील विषयावर बैठकीत सविस्तर चर्चा झाली या बैठकीला माजी मुख्यमंत्री अशोकराव चव्हाण, आमदार राम पाटील रातोळीकर, आमदार बालाजी कल्याणकर, आमदार जितेश अंतापुरकर, माजी आमदार अमरनाथ राजुरकर, अतिरिक्त मुख्य सचिव महसूल डॉ. नितीन करीर, सहसचिव इंगळे, पद्मश्री विठ्ठल विखे पाटील कृषी परिषदेचे प्रदेशाध्यक्ष भागवत देवसरकर,
जिल्हाध्यक्ष दत्ता जाधव, पांडुरंग बोरकर अपर जिल्हाधिकारी, ब्रिजेश पाटील उपविभागीय अधिकारी हदगाव, जीवराज डापकर तहसीलदार हदगाव, धोंडीबा गायकवाड तहसीलदार हिमायतनगर, राजकुमार रणवीर तालुका कृषी अधिकारी हदगाव, विनायक ढवळे कार्यकारी अभियंता हदगाव, आडेराघू गटविकास अधिकारी हदगाव, मयूर अंदेलवाड गट विकास अधिकारी हिमायतनगर, दिलीप जाधव कृषी अधिकारी हिमायतनगर, राजीव टारफेवाड पशुधन विकास अधिकारी हदगाव, भिसे उपकार्यकारी अभियंता हदगाव, नागेश लोने उपकार्यकारी अभियंता, उमेश सोनटक्के पशुधन विकास अधिकारी हिमायतनगर, यांच्यासह हदगाव हिमायतनगर तालुक्यातील सर्व खाते प्रमुख उपस्थित होते.
हदगाव हिमायतनगर तालुक्याचे लोकप्रतिनिधी मात्र या बैठकीस अनुपस्थित होते. या बैठकीला लोकप्रतिनिधी का उपस्थित नाहीत असा लोकांमध्ये संभ्रम निर्माण होत आहे. हदगाव हिमायतनगरचे प्रश्न या बैठकीत कोण मांडणार असेही सुज्ञ नागरिकांतून बोलल्या जात आहे.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.