नांदेड। जोशाबा मध्यवर्ती ग्राहक सहकारी संस्था मर्यादित जिल्हा नांदेडच्या वतीने येत्या 21 मार्च रोजी डेरला (धनगरवाडी) तालुका लोहा येथे दाल मिल उद्घाटन सोहळ्याचे आयोजन करण्यात आले आहे.
सकाळी साडेअकरा वाजता होणाऱ्या कार्यक्रमात जिल्हाधिकारी अभिजीत राऊत यांची विशेष उपस्थिती राहणार आहे. समाज कल्याण सहाय्यक आयुक्त टी. एल. माळवदकर यांच्या अध्यक्षतेखाली हा कार्यक्रम होणार असून जिल्हा उपनिबंधक विश्वासराव देशमुख यांच्या हस्ते दाल मिलचे उद्घाटन करण्यात येणार आहे.
यावेळी जिल्हा उद्योग केंद्राचे महाव्यवस्थापक अमोल इंगळे, जिल्हा लेखापरीक्षक अधिकारी बैस ठाकूर, आयडीबीआय बँकेचे व्यवस्थापक कोडगिरे आदींची उपस्थिती राहणार आहे. तरी संचालक मंडळातील सदस्य, ग्रामस्थ व परिसरातील नागरिकांनी सदर कार्यक्रमास उपस्थित राहावे, असे आवाहन चेअरमन उत्तम गवाले, सचिव एम.टी. वाघमारे व समस्त संचालक मंडळ जोशाबा यांनी केले आहे.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.