भोकर। वारसाहक्काने मिळालेले वडिलोपार्जित घराची नोंद नमुना न. 8 अ ला घेण्यासाठी ग्रामसेवक गंगाकिशन ऐनलोड यांना 5,000/- रुपयांची लाच घेताना एसीबीच्या पथकाने ताब्यात घेतले असून, पोलिस कार्यवाही सुरु आहे.
तक्रारदार यांना वारसाहक्काने वडिलोपार्जित घर मिळाले होते. सदर घराची नमुना न. 8 अ ला तक्रारदार यांचे नावे नोंद घेण्यासाठी घराचे कागदपत्रे पूर्ण करून ती फाईल ग्रामपंचायत कार्यालय,रिठ्ठा येथे दाखल केली होती. त्यानुसार तक्रारदार यांना वारसाहक्काने मिळालेले वडिलोपार्जित घराची नोंद नमुना न. 8 अ ला घेण्यासाठी आरोपी लोकसेवक गंगाकिशन ऐनलोड यांनी तक्रारदार यांना रु. 15,000/- लाचेची पंचासमक्ष मागणी करून तडजोडीअंती रु. 5,000/- घेण्याचे मान्य केले आहे. ही लाच घेताना आज रोजी आरोपी ग्रामसेवकास यांना ताब्यात घेतले असुन,वृत्त लिहिपर्यंत गुन्हा दाखल करण्याची कार्यवाही चालु आहे.
ही कार्यवाही डॉ.राजकुमार शिंदे पोलीस अधीक्षक, अँटी करप्शन ब्युरो,नांदेड परिक्षेत्र,नांदेड यांच्या मार्गदर्शनाखाली पर्यवेक्षण अधिकारी श्री राजेंद्र पाटील, पोलीस उप अधीक्षक, अँटी करप्शन ब्युरो, नांदेड यांच्या नेतृत्वाखाली सापळा/तपास अधिकारी श्री. स्वप्नाली धृतराज, पोलीस निरीक्षक, अँटी करप्शन ब्युरो, नांदेड यांनी सापळा कारवाई पथक पोलीस निरीक्षक श्री राहुल पखाले, मपोहेकॉ मेनका पवार, पोकॉ ईश्वर जाधव,अरशद खान, रितेश कुलथे, यशवंत दाबनवाड, चापोहेकॉ मारोती सोनटक्के, गजानन राऊत, अँटी करप्शन ब्युरो, युनिट नांदेड यांनी केली.
या कार्यवाही नंतर नांदेड जिल्ह्यातील सर्व नागरिकांना अवाहन करण्यात येते की,त्यांच्याकडे कोणत्याही शासकीय अधिकारी/कर्मचारी यांनी किंवा त्यांच्या वतीने खाजगी इसम (एजेंट) यांनी कोणतेही शासकीय काम करून देण्यासाठी कायदेशीर फी व्यतिरिक्त अन्य लाचेची मागणी करीत असल्यास तात्काळ आमचेशी संपर्क साधावा. डॉ राजकुमार शिंदे,पोलीस अधीक्षक, अँटी करप्शन ब्युरो, नांदेड परिक्षेत्र,नांदेड, मोबाईल क्रमांक 9623999944 राजेंद्र पाटील, पोलिस उप अधीक्षक, अँटी करप्शन ब्युरो, नांदेड, मोबाईल क्रमांक – 7350197197 कार्यालय दुरध्वनी – 02262-253512 @ टोल फ्रि क्रं. 1064.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.