हिमायतनगर। कृषी उत्पन्न बाजार समिती कांग्रेस पक्षाच्या ताब्यात घेण्यासाठी कार्यकर्त्यांनी एकजुटीने कामाला लागावे असे आवाहन आ. माधवराव पाटील जवळगावकर यांनी निवडणुकीच्या नियोजन बैठकीत बोलतात केले आहे.
हिमायतनगर तालुक्यातून कृषी उत्पन्न बाजार समिती या निवडणुकीत 48 ग्रामपंचायती असुन 377 मतदान आहे. सेवा सहकारी सोसायटी 22 असुन मतदान संख्या 276 ऐवढी आहे. तर व्यापारी 389 , हमाल मापाडी 205 अशी मतदान संख्या आहे. एकुण जागा ग्रामपंचायत मतदार संघ चार जागा, सेवा सहकारी संस्था 11,अडते व व्यापारी मतदार संघ 2,हमाल व मापाडी मतदार संघ 2,अशा एकुण 18 जागा आहेत.
नामनिर्देशन दाखल करण्यासाठी दि. 27 मार्च ते 3 एप्रिल पर्यंत असुन . या निवडणुकीसाठी 28 एप्रिल रोजी मतदान होणार आहे तर 29 एप्रिल रोजी निकाल घोषित करण्यात येणार आहे. या निवडणुकीच्या नियोजन संदर्भात दि. 28 मार्च रोजी जवळगाव येथे आ. माधवराव पाटील जवळगावकर यांच्या अध्यक्षतेखाली कांग्रेस पदाधिकारी कार्यकर्ते यांची बैठक आयोजित करण्यात आली होती.
या बैठकीत अनेक गावच्या सरपंच , सदस्य, संचालक, चेअरमन, उपसरपंच यांनी आपली मनोगत व्यक्त केली. नव्या उमेदवारांना संधी मिळाली पाहिजे अशी मागणी केली. आणि सर्वासाठी आ. जवळगावकर यांचा निर्णय मान्य असणार असल्याचे सांगितले. या प्रसंगी आ. जवळगावकर बोलताना म्हणाले की आपल्या सर्वांच्या आशिर्वादाने कृषी उत्पन्न बाजार समिती वर कांग्रेस पक्षाचाच झेंडा फडकविण्यासठी काँग्रेस पक्षाची एकजूट कायम ठेवून सर्वांनी एकजुटीने निवडणुकीच्या कामाला लागा आणि कृषी उत्पन्न बाजार समितीवर कांग्रेस पक्षाचा झेंडा फडकवा असे आवाहन आ. माधवराव पाटील जवळगावकर यांनी केले.
यावेळी सुभाष राठोड, डॉ प्रकाश वानखेडे, परमेश्वर गोपतवाड,गणेश शिंदे, बाळा पाटील,संजय माने, जोगेंद्र नरवाडे, अ. आखील,नितेश जैस्वाल,ज्ञानेश्वर शिंदे, संदीप पळशीकर, योगेश चिलकावार, सुभाष बलपेलवाड , गजानन सुर्यवंशी,आनंता देवकते,रफिकभाई,समद खान,दत्ता कोंकेवाड, गजानन कदम, डॉ गफार, सोपान बोंपीलवार,बाळा पाटील, शिवाजी पाटील, फेरोज खान, सुभाष शिंदे, प्रविण जाधव, संतोष अंबेकर, कल्याणकर, अ. बाकी, प्रभू कल्याणकर,दयाळ गिर गिरी, दता पुपलवाड, यांच्यासह कार्यकर्ते सरपंच उपसरपंच सदस्य संचालक मोठ्या संख्येने उपस्थित होते.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.