श्रीक्षेत्र माहूर, राज ठाकूर| येथील बळीराम पाटील मिशन मांडवी संचलित श्री रेणुकादेवी कला वाणिज्य व विज्ञान महाविद्यालयाच्या अंतर्गत गुणवत्ता हमी कक्ष व सांस्कृतिक विभागाच्या वतीने *स्वातंत्र्याच्या अमृत महोत्सवास* समर्पित तीन दिवसीय *वार्षिक स्नेहसंमेलन २०२३* चे २७ मार्च ते २९ मार्च पर्यंत आयोजित करण्यात आला. स्नेहसंमेलनाच्या अखेरच्या दिवशी अर्थात २९ मार्च रोजी दुसऱ्या सत्रात माजी विद्यार्थी मेळावा आयोजित करण्यात आला होता.
या मेळाव्याच्या अध्यक्षस्थानी संस्थेचे उपाध्यक्ष किशोरजी जगत होते. तर प्रभारी प्राचार्य डॉ तुळशीदास गुरनुले, माजी विद्यार्थी संघटनेचे अध्यक्ष अभिषेक जयस्वाल, पत्रकार तथा सामाजिक कार्यकर्ते सिद्धार्थ तामगाडगे, ऍडव्होकेट अविनाश ढगे यांची प्रमुख उपस्थिती होती. प्रा. विजय निकम, प्रा.रमेश राठोड, प्रा. सतिष चांदेकर यांनी आपल्या मनोगतातून महाविद्यालयातील प्राध्यापक व संस्थेप्रति ऋण व्यक्त केले. यावेळी सामाजिक, शैक्षणिक, आरोग्य, प्रशासन, पोलिस, गृह, विभागातील माजी विद्यार्थ्यांची उपस्थिती होती.
हा कार्यक्रम संस्थेचे संस्थापक अध्यक्ष प्रफुल्लजी राठोड व संस्थेच्या सचिव सौ. संध्याताई राठोड यांच्या मार्गदर्शनाखाली घेण्यात आला. या मेळाव्याचे सूत्रसंचालन प्रोफेसर राजेंद्र लोणे यांनी तर प्रास्ताविक प्रभारी प्राचार्य डॉ. तुळशीदास गुरनुले यांनी शेवटी उपस्थितांचे आभार माजी विद्यार्थी विभागाचे समन्वयक डॉ.इकबाल खान यांनी व्यक्त केले. हा मेळावा यशस्वी करण्यासाठी डॉ. दत्ता जाधव, प्रा. विजयपाल वाढवे सह सर्व प्राध्यापक व कर्मचारी मेहनत घेतांना दिसून आले.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.