नांदेड| दि. 23 फेब्रुवारी पासुन जिल्हाधिकारी कार्यालया समोर सुरू असलेल्या साखळी उपोषण व धरणे आंदोलनातील मागण्या तातडीने सोडवाव्यात यासाठी मार्क्सवादी कम्युनिस्ट पक्षाच्या वतीने दि.२९ रोजी जिल्हाधिकारी कार्यालयासमोर तीव्र निदर्शने केली.
माकप,सीटू आणि अखिल भारतीय जनवादी महिला संघटनेच्या वतीने सुरु असलेल्या आंदोलनातील मागण्याची आजपर्यंत प्रशासनाने कोणत्याही प्रकारची दखल घेतली नव्हती. परंतु निदर्शने आंदोलनाच्या शिष्टमांडळास जिल्हाधिकारी श्री अभिजित राऊत यांनी भरपूर वेळ देत सर्व विषयावर विस्तृत चर्चा केली. आणि संबंधित सर्व विभागाशी स्वतः बोलतो आणि योग्य कारवाई करण्याचे माहूर तहसीलदार किशोर यादव यांना फोन करून वझरा शेख फरीद गावठाण विस्तारवाढ संदर्भात चर्चा केली आणि गट विकास अधिकारी श्री कांबळे हे लवकरच अहवाल सादर करतील असे तहसीलदार माहूर यांनी सांगितले.
नांदेड रेल्वे स्टेशन येथे स्वच्छतेचे काम करणारे जगदेव इन्फ्रास्टक्चर प्रा.ली. चे उपठेकेदार श्री.लोंढे व व्यवस्थापक श्री. रवींद्र परानाटे यांच्या विरुद्ध अट्रॉसीटी ऍक्ट व कलम ४२० नुसार गुन्हे दाखल करावेत. नांदेड शहरातील बोगस शिक्षण संस्था प्रजा बालक विद्या मंदिर शाळेवर कारवाई करावी तसेच शाळेला अभय देणाऱ्या वादग्रस्त शिक्षणाधिकारी (प्रा.) व गट शिक्षणाधिकारी पं.स.नांदेड यांची चौकशी करून कठोर कारवाई करावी.
जिल्ह्यात बोगस दस्त नोंदणी, मुद्राकं व जमीन घोटाळ्यातील दुय्यम निबंधक कार्यालयातील दोषी अधिकारी कर्मचारी यांचेवर निलंबनाचीकारवाई करून गुन्हे दाखल करावेत. यासाठी मुद्रांक महानिरीक्षक पुणे यांचे मार्गदर्शन घेवून कार्यवाही करून माकपच्या मुळ मागण्या नुसार कारवाई करावी. नांदेड जिल्यामध्ये पोलीस संरक्षण परवानासाठी अहवाल सादर करतांना काही अधिकाऱ्यांनी आपल्या पदाचा गैरवापर करुन चुकीच्या लोकांना शस्त्र परवाना व पोलीस संरक्षण दिल आहे.या संदर्भात चॊकशी करून त्यांच्यावर कठोर कारवाई करावी.
राज्य व केंद्र शासनाच्या विविध कार्यालयात कार्यकाळ संपूनही वसिलेबाजीने अनेक अधिकारी कर्मचाऱ्यांची तळ ठोकून आहेत व आर्थिक लूट करीत आहेत त्यांची बदली करावी. पीडित सोनाजी नागोराव कांबळे यांचे नांदेड शहरात पुनर्वसन करावे व कर्मवीर दादासाहेब गायकवाड सबळीकरण योजने अंतर्गत जमीन वाटप करावी. गोदावरी नदी काठावरील अवैध वाळू उत्खनन करणाऱ्यावर कारवाई करावी, माहूर वनपरिक्षेत्र अधिकारी (प्रा.)यांनी बोगस विकास कामे दाखवून करोडो रुपये निधी उचलून अपहार केला आहे चॊकशी करून कारवाई करावी. तसेच परिक्षेत्रातील सिटू च्या वन कामगारांना कामावर घेतले नाही त्यांना कामावर घावे.
मौजे मांजरम येथील उपोषणार्थी गंगाधर मेडकर यांच्या मागण्या तातडीने सोडवाव्यात. मौजे, वझरा (शेफ) ता.माहूर येथे तातडीने नविन प्लॉट पाडून घरकुलसाठी पाच लाख रुपये मंजूर करावेत.बजरंग कॉलनी, कर्मवीर नगर, गुरु नगर शिवपार्वती नगर येथे पिण्याच्या पाण्यासाठी बोअर बसवून द्यावेत. घरेलू कामगारांना अनुदान रक्कम दहा हजार वाटप करावी व मागील वर्षाप्रमाणे युनियनच्या मागणी प्रमाणे नूतनिकरण करावे.आदी मागण्यासह इतरही मागण्या निवेदनामध्ये नमूद आहेत.
आंदोलनाचे नेतृत्व माकपचे सचिव कॉ.गंगाधर गायकवाड, कॉ.उज्वला पडलवार, कॉ. करवंदा गायकवाड, कॉ.लता गायकवाड,कॉ.श्याम सरोदे,कॉ. जयराज गायकवाड, कॉ. शुभासचंद्र गजभारे,कॉ. सोनाजी कांबळे,गोपीप्रसाद गायकवाड, गंगाधर खुणे,रावसाहेब मेडकर, साई सरोदे आदींनी केले तर या निदर्शने आंदोलनास लोकस्वराज्य आंदोलनाचे रावसाहेब पवार,डीवायएफआय चे अक्षय गायकवाड,एसएफआयचे शुभासचंद्र गजभारे, कॉ.गणपत रेड्डी आदींनी पाठिंबा दिला. जिल्हाधिकारी यांच्या आश्वासणाचा आदर करीत उपोषना मध्ये बदल करीत धरणे तेवढे रहाणार आहे.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.