नायगाव, रामप्रसाद चन्नावार| नायगाव तालुक्यातील प्रसिद्ध असलेले व नवसाला पावणारा तीर्थक्षेत्र महादेव मंदिर गंगणबीड (तलबीड) येथे दरवर्षी प्रमाणे याही वर्षी बारस यात्रे निमित्त शिवपार्वतीचा विवाह सोहळा व कावड पालखी मिरवणूकीचे आयोजन करण्यात आले होते.
अंबली- बारशी यात्रेनिमित्य शिवपार्वती विवाहसोहळा, यात्रा,भजन, किर्तन व शिवजागर ई.कार्यक्रमाचे रविवारी 2 एप्रिल रोजी आयोजन केले होते. रविवारी रात्री गावातील मुख्य रस्त्याने महाराष्ट्राचे पारंपरिक वाद्य हलगी-सनई, ढोली-बाजा बँड पथक, भजनी मंडळे या वाद्यवृंदाच्या गजरात पालखी मिरवणुक काढण्यात आली तर रात्री 10 वाजता सदरील पालखी तिर्थक्षेत्र श्री महादेव मंदिर परिसरात पोहचली.
रात्री पालखी शंभु महादेव मंदिरात पोहचल्यावर स्वामीजींच्या हस्ते विधीवत शिवपार्वतीचा महाभिषेक करण्यात आला असून नंतर 10. वा. शिवपार्वतींचा विवाहसोहळा मोठ्या उत्साहात आणि थाटमाटात संपन्न झाला. त्यानंतर रात्रभर प्रवचन व शिवभजन शिवजागराचा कार्यक्रम पार पडले. सोमवारी तीन एप्रिल रोजी रोजी सकाळी सात वाजता महादेवाची आंबील { महाप्रसाद } चा भाविकांनी लाभ घेतला. नंतर मंदिर परिसरात दिवसभर यात्रा भरली होती. पंचक्रोशीतुन काठ्या-कावड्या घेऊन येणाऱ्या सर्व भाविकांसाठी पालखी दर्शन खुल्ले करण्यात आले. महाराष्ट्रासह आंध्रप्रदेश, कर्नाटक राज्यातून हजारो भाविक येथे येत असून प्रत्येक उत्सवला मोठी गर्दी येथे जमते.
महादेव पार्वतीच्या विवाह सोहळास भाविकांची अलोट गर्दी होती मंदिर समितीने भाविकांची चांगलीच गैरसोय केल्या चे भाविकांतुन बोलल्या जात आहे.विशेष म्हणजे भाविकां मध्ये लहान मुले महिला पुरुष यांची अलोट गर्दी पाहता बंदोबस्तात नायगाव पोलिस ठाण्याचे दोनच कर्मचारी उपस्थित होते ……
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.