नांदेड/धर्माबाद। तालुक्यातील कोंडलवाडी येथील नगरपंचायत कार्यालयात अतिरिक्त नगररचना सहाय्यक अभियंता कार्यरत असलेल्या प्रतिक राजेंद्र माळवदे, व खाजगी ईसम गणेश गंगाधर दुदुलवाड, वय 42 वर्षे, रा. धर्माबाद, यास 7 हजाराची लाच स्वीकारल्या प्रकरणी लाचलुचपत प्रतिबंधक विभागाने आज दि.07 रोजी पकडून ताब्यात घेतले आहेत. या घटनेनंतर एकच खळबळ उडाली असून, लाचखोर अभियंत्यास कायमचे बडतर्फ करावे अशी मागणी केली जाते आहे.
याबाबत सविस्तर वृत्त असे की, यातील तक्रारदार यांच्या आईच्या नावे असलेला एक गुंठा प्लॉटची गुंठेवारी करण्यासाठी यातील खाजगी ईसमाने अभियंत्यांच्या संगनमताने रू.10000/- लाचेची पंचासमक्ष मागणी करून पंचासमक्ष रू 7000/- घेण्याची सहमती दर्शविली. यातील तक्रारदार हे दोन वेळा लाच देण्यासाठी आलोसे यांच्याकडे पंचासह गेले असता, मी काम पुर्ण झाल्याशिवाय पैसे घेत नाही असे म्हणून त्यानी लाच स्विकारली नाही.
अखेर आज दि. 06/04/2023 रोजी पंचासमक्ष त्यानी लाचेच्या रक्कमेतील फाईलसाठी लागणारी फि रूपये 2892/- ची वसूली लिपीक श्री राजेश खटके यांच्याकडे जमा करण्यास पाठवून उर्वरित लाचेची रक्कम स्विकारली नाही. त्यावरून लाचलुचपत प्रतिबंधक विभागाने आरोपी अभियंता व खाजगी ईसम यांना ताब्यात घेतले असून, पोलीस स्टेशन धर्माबाद येथे गुन्हा दाखल करण्याची प्रक्रिया सुरू आहे.
डॉ.राजकुमार शिंदे, पोलीस अधीक्षक, अँटी करप्शन ब्युरो,नांदेड परिक्षेत्र,नांदेड, पर्यवेक्षण अधिकारी श्री राजेंद्र पाटील, पोलीस उप अधीक्षक, अँटी करप्शन ब्युरो, नांदेड, सापळा/तपास अधिकारी श्री. प्रकाश वांद्रे पोलीस उप अधीक्षक अँटी करप्शन ब्युरो, नांदेड यांच्या मार्गदर्शनाखाली सापळा कारवाई पथकाचे
पोलीस उप अधीक्षक अशोक इप्पर, सपोउपनि गजेन्द्र मांजरमकर, सपोउपनि संतोश शेटे, पोकॉ रितेश कुलथे, पोकॉ यशवंत दाबनवाड, पोना बालाजी मेकाले, चापोह गजानन राउत, चापोना प्रकाश मामुलवार, अँटी करप्शन ब्युरो, युनिट नांदेड यांनी केली आहे.
नांदेड जिल्ह्यातील सर्व नागरिकांना अवाहन करण्यात येते की,त्यांच्याकडे कोणत्याही शासकीय अधिकारी/कर्मचारी यांनी किंवा त्यांच्या वतीने खाजगी इसम (एजेंट) यांनी कोणतेही शासकीय काम करून देण्यासाठी कायदेशीर फी व्यतिरिक्त अन्य लाचेची मागणी करीत असल्यास तात्काळ आमचेशी संपर्क साधावा. डॉ राजकुमार शिंदे,पोलीस अधीक्षक,अँटी करप्शन ब्युरो, नांदेड परिक्षेत्र,नांदेड, मोबाईल क्रमांक 9623999944 राजेंद्र पाटील, पोलिस उप अधीक्षक, अँटी करप्शन ब्युरो, नांदेड, मोबाईल क्रमांक – 7350197197, कार्यालय दुरध्वनी – 02262-253512 @ टोल फ्रि क्रं. 1064.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.