हिमायतनगर। हिरण्यगर्भ बहुद्देशीय प्रतिष्ठाण, सिरंजणीच्या सौजन्याने पै. कै. किशन नागोबा वासुदेव यांच्या स्मरणार्थ आयोजित केलेली “हिरण्यगर्भ सिरंजणी केसरी” कुस्ती स्पर्धा उत्साहात पार पडली. कुस्ती स्पर्धेसाठी महाराष्ट्रातील वेगवेगळ्या भागातून पैलवानांनी हजेरी लावली होती. स्पर्धेत अनेक चुरशीच्या लढती झाल्या.
शेवटची मानाची कुस्ती निळा जि. नांदेड येथील पै. राजू कदम व नाशिक येथील पै. योगेश पाटील यांच्यात अतिशय तुल्यबळ व अटीतटीची लढत झाली. यात राजू पैलवान यांनी बाजी मारली व हिरण्यगर्भ सिरंजणी केसरी चा मान मिळवला. प्रसंगी गावातील कुस्ती क्षेत्रातील नामवंत पैलवान श्री रामा काशीबा सुर्यवंशी, श्री जयवंतराव दावजी देशमाने, श्री बब्रुवाहन भुमाजी गडमवार व सामाजिक क्षेत्रातून सेवानिवृत्त वन अधिकारी श्री भीमराव गेंदाजी कावळे, श्री. संभाजी लक्ष्मण सुरोशे यांना हिरण्यगर्भ जीवनगौरव पुरस्कार देऊन गौरव करण्यात आला. पुरस्कार प्राप्त व्यक्तींच्या जीवनावर श्री भाटे सर यांनी अतिशय सुरेख भाषेत प्रकाश टाकला.
कार्यक्रमाला पोलीस निरीक्षक बी. डी. भुसनर साहेब यांनी जातीने उपस्थिती लावून पोलिस टिम मार्फत चोख बंदोबस्त दिला. त्याच बरोबर गोल्ला गोलेवार समाजाचे प्रान्त अध्यक्ष श्री. भुमन्ना अकेमवाड, जि अध्यक्ष रमेशजी बद्दीवार, प्रकाश करेवाड, संतोष अकेमवाड, बकन्ना कोमलवाड व तसेच पमेश्वर गोपतवाड देवसरकर गुरुजी यांची प्रमुख उपस्थिती होती. कार्यक्रमाचे धावते समलोचन श्री अंगुलवार सर, श्री भाटे सर व श्री लक्ष्मण लिंगमपल्ली यांनी केले. स्पर्धा यशस्वी करण्यासाठी मित्र परिवाराने अथक परिश्रम घेतले. त्याबद्दल हिरण्यगर्भ चे सचिव श्री पवन करेवाड यांनी सर्वांचे आभार मानले.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.