हिमायतनगर। येथील हुतात्मा जयवंतराव पाटील महाविद्यालया मध्ये विलियम शेक्सपियर यांच्या जयंती निमित्त जागतिक पुस्तक दिन महाविद्यालयाच्या प्राचार्या डॉ. उज्वला सदावर्ते यांच्या मार्गदर्शनाखाली व अध्यक्षतेखाली साजरा करण्यात आला.
कार्यक्रमाच्या सुरुवातीला मान्यवरांच्या हस्ते प्रतिमेचे पूजन करण्यात आले. तद्नंतर कार्यकमाचे प्रास्ताविक इंग्रजी विभाग प्रमुख प्रा.प्रवीण सावंत यांनी केले. या कार्यक्रमाचे अध्यक्षस्थान डॉ. उज्वला सदावर्त मॅडम म्हणून लाभल्या तर प्रमुख पाहुणे म्हणून महाविद्यालयाचे नॅक समन्वयक डॉ.गजानन दगडे हे लाभले.तर प्रमुख अतिथी म्हणून इंग्रजी विभागाचे प्रा.एम पी गुंडाळे हे होते .
कार्यक्रमाच्या सुरुवातीला प्रा प्रवीण सावंत यांनी विलियम शेक्सपियर यांच्या जीवनावरती प्रकाश टाकला त्यांच्या ग्रंथ संपदा विषयी तसेच त्यांच्या साहित्या विषयी अनमोल असे मार्गदर्शन केले. त्याचप्रमाणे दरवर्षी 23 एप्रिल या दिवशी दोन पुरस्कार Best Reader Award for student and Teacher दिले जाईल असे जाहीर केले.
त्याचप्रमाणे महाविद्यालयाचे ग्रंथपाल बोंबले राजू यांनी जागतिक पुस्तक दिना निमित्त मान्यवरांना ग्रंथ भेट दिली.व युनिस्को द्वारे 1995 रोजी जागतिक पुस्तक दिन साजरा करण्यात येतो असे त्यांनी सांगितले .त्याचप्रमाणे डॉ. बाबासाहेब आंबेडकर यांचे उदाहरण देऊन सांगितले की जर आपल्याकडे दोन रुपये असतील तर एक रुपयाची रोटी घ्या आणि एक रुपयाचे पुस्तक घ्या . रोटी तुम्हाला जगण्यास मदत करील.तर पुस्तक हे तुम्हाला जगावे कसे हे शिकवेल.
प्रमुख अतिथी म्हणून प्राध्यापक एम.पी.गुंडाळे सर यांनी प्रत्येकाने पुस्तक वाचलंच पाहिजे असे सांगितले.त्याचप्रमाणे ग्रंथालय मध्ये वाचक जास्तीत जास्त मोठ्या संख्येने आला पाहिजे असे सांगितले. अध्यक्षीय समारोपामध्ये महाविद्यालयाच्या प्राचार्या तसेच कार्यक्रमाच्या अध्यक्षा डॉ. उज्वला सदावर्ते मॅडम यांनी वाचन संस्कृती जोपासली पाहिजे. त्याचप्रमाणे प्रत्येक प्राध्यापकांनी असा संकल्प केला पाहिजे की मोबाईल कडून पुस्तकाकडे सर्व विद्यार्थी कसे वळाले पाहिजे. असे आपल्या भाषणातून सांगितले.आजच्या आधुनिक युगामध्ये तंत्रज्ञानामध्ये मोबाईल पेक्षा पुस्तकाकडे लक्ष देणे आज काळाची गरज आहे असे त्यांनी सांगितले.
कार्यक्रमाचे सुंदर असे सूत्रसंचालन महाविद्यालयातील इंग्रजी विभाग प्रमुख प्राध्यापक प्रवीण सावंत सर यांनी केले. तर कार्यक्रमाचे आभार प्रदर्शन महाविद्यालयातील ग्रंथालय परिचर विश्राम देशपांडे यानी केले. कार्यक्रमाचे आयोजन इंग्रजी विभाग व ग्रंथालय विभागाद्वारे करण्यात आले .
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.