लोहा। युगप्रवर्तक डॉ.बाबासाहेब आंबेडकर यांच्या जयंती निमित्त सामाजिक, शिक्षण ,साहित्य,राजकीय पत्रकारिता अशा विविध क्षेत्रात आपल्या कार्याचा ठसा निर्माण करणाऱ्या मान्यवर व्यक्तींना डॉ.बी.आर.आंबेडकर फाऊंडेशनच्या वतीने पुरस्कार देऊन सन्मानित केले जाते. संस्थेचे अध्यक्ष बापूराव गजभारे यांनी प्रज्ञावंत विद्यार्थी पुरस्कार देण्याचे मागील वर्षी घोषित केले होते यंदा पहिलाच मनोज गजभारे प्रज्ञावंत विद्यार्थी पुरस्काराने प्रतिकूल परिस्थितीवर मात करत शिक्षण घेणाऱ्या एमएस्सी बायो टेक्नॉलॉजी मध्ये पदव्युत्तर झालेल्या व पीएचडी करणाऱ्या लोह्याच्या सिद्धांत दिलीप महाबळे याना सन्मानित करण्यात येणार आहे.
डॉ.बी आर आंबेडकर फाउंडेशन चे अध्यक्ष बापूराव गजभारे यांनी वर्ष २०२२-२३ चे पुरस्काराची हॉटेल अतिथी येथे पत्रकार परिषेदेत घोषणा केली साहित्य, आरोग्य समाजसेवा या कार्यासाठी नांदेड येथील सर्वांना परिचित असलेल्या डॉ.वृषालीताई माधवराव किन्हाळकर यांना डॉ.बाबासाहेब आंबेडकर समता गौरव पुरस्कार जाहीर करण्यात आला. राज्यस्तरीय कृष्णाई पत्रकारिता पुरस्कार एबीपी माझाचे राहुल कुलकर्णी यांना दिला जाणार आहे.
जिल्हा पुरस्कारासाठी हिंदी लोकमत समाचारचे प्रतिनिधी पन्नालाल शर्मा प्रेस फोटोग्राफर हाफ़ीज पठाण मुखेड ( ग्रामीण ) याना जाहीर झाला आहे मागील वर्षी घोषित केल्या प्रमाणे विद्यार्थ्यांसाठी प्रज्ञावतं पुरस्कार दिवंगत मनोज नागोराव गजभारे यांच्या नावाने देण्यात येतो ‘ मनोज गजभारे प्रज्ञावंत विद्यार्थी ‘ प्रथम पुरस्कार लोहा तालुकयातील प्रतिकूल परिस्थीतीतुन शिक्षण घेत असलेला पीएचडी स्कॉलर विदयार्थी सिद्धांत दिलीप महाबळे यांना दिला जाणार आहे.
पुरस्काराचे स्वरूप ५००० रुपये रोख आणि सन्मान पत्र असे स्वरूप आहे .सिद्धांत लहान असतानाच त्याचे वडील वारले त्याची आई प्रतीक्षा यांनी सिद्धांत व त्याची बहीण याचे शिवणकाम करून मोलमजुरी करून शिक्षण केले त्याचा मामा नांदेड येथे पोलीस जमादार बाबुराव हटकर विष्णुपुरीकर यांनी शिक्षणासाठी मोठी सहकार्य केले भाचा -भाची बहीण यांचे कुटुंबाला मदत केली.
स्वाराती विद्यापिठात एम एस्सी बायो टेक्नॉलॉजी झाल्या नंतर तो आता पीएचडी करीत आहे होतकरू व गुणवंत विद्यार्थी असलेल्या सिद्धांत यांची प्रज्ञावंत विद्यार्थी म्हणून पुरस्कारासाठी फाउंडेशन चे अध्यक्ष बापूराव गजभारे यांनी घोषणा केली
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.