नवीन नांदेड। सामाजीक क्षेत्रात उत्कृष्ट काम करणाऱ्या महिलांसाठी राज्याच्या महिला व बाल कल्याण विभागातर्फे दिला जाणारा, पुण्यश्लोक अहिल्यादेवी होळकर पुरस्कार 2019-20 साठी सिडकोच्या प्रख्यात व लोकप्रिय स्त्रीरोग व बालरोग चिकित्सक, सामाजीक कार्यकर्त्या डॉ. सौ. सुरेखा अशोक कलंत्री यांना जाहीर करण्यात आला आहे.
डॉ. सौ.सुरेखा कलंत्री यांनी महिलांसाठी वेळोवेळी विविध आरोग्य शिबिराचे आयोजन तसेच विविध महाविद्यालय व विविध महिला मंडल येथे महिलांच्या आरोग्य बाबतीत व महिला सक्षमीकरण म्हणून व्याख्यान देत असतात तसेच आकाशवाणी केंद्र नांदेड मध्ये त्याचे अनेक सामाजीक व आरोग्य विषयक कार्यक्रम झाले आहे,यापूर्वी त्यांना सिडकोच्या विविध सामाजीक संघटनेतर्फे अनेक पुरस्कार मिळाले आहेत.तसेच सध्या त्या सिडको येथील वात्सल्यनगर गृहणी संस्थेच्या संचालीका असून महाराष्ट्र शासन बालकल्याण मंडळ नांदेडच्या सदस्या म्हणून 4 वर्ष सेवा दिली आहे.
यापूर्वी त्या गुरुगोविंद सिंग स्मारक रुग्णालयाच्या अभ्यागत मंडळ व जिल्हा हुंडा निर्माण समितीवर देखील त्यांनी उत्कृष्ठ कार्य केले आहे.तसेच त्या भिवराज कलंत्री नर्सिग संस्था सिडको नांदेडच्या संचालिका असून आदर्श परिचारिका घडवण्याचे कार्य देखील त्या करतात,येत्या 1 मे महाराष्ट्र दिनी पालकमंत्री नादेड यांच्या हस्ते पोलिस परेड मैदान नांदेड याठिकाणी पुरस्कार वितरण कार्यक्रम संपन्न होणार असून त्यांना प्रशिस्तीपत्र ” सन्मान चिन्ह व अकरा हजार रुपये रोख देवून सन्मानीत करण्यात येणार आहे.हा पुरस्कार जाहीर झाल्या बदल सर्वच स्थरातून त्यांचे अभिनंदन होत आहे.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.