नांदेड| जिल्ह्यातील ग्रामीण भागातील युवकांना रोजगाराच्या संधी मोठया प्रमाणात उपलब्ध व्हाव्यात यासाठी रोजगार मेळावे हे अत्यंत प्रभावी माध्यम आहे. या रोजगार मेळाव्याच्या माध्यमातून ग्रामीण भागातील युवक-युवतींनी आपल्यातील कौशल्य ओळखून स्वयंरोजगाराकडे वळणे आवश्यक आहे, असे आवाहन आमदार राजेश पवार यांनी केले. नायगाव येथे आयोजित करण्यात आलेल्या रोजगार मेळाव्याच्या उद्घाटन प्रसंगी ते बोलत होते.
यावेळी जिल्हा परिषद सदस्या पुनमताई पवार, प्राचार्य व्ही. भोसीकर, सहाय्यक आयुक्त रेणुका तम्मलवार, माविमचे चंदनसिंग राठोड, तहसिलदार गजानन शिंदे, तहसिलदार डी.एन.शिंदे, आर.बी.गणवीर, रुपेश देशमुख, वसंतराव पालवे, बाळासाहेब कदम आदी उपस्थित होते.
यावेळी जिल्हा परिषद सदस्या पुनमताई पवार यांनी रोजगार मेळाव्यातील विद्यार्थ्यांना मार्गदर्शन केले. या रोजगार मेळाव्यात एकूण 15 नामांकित कंपन्या व 10 महामंडळानी सहभाग नोंदविला. रोजगार मेळाव्यात 357 विद्यार्थ्यांनी सहभाग घेतला नोंदविला. कार्यक्रमाचे प्रास्ताविक जिल्हा कौशल्य विकास रोजगार व उद्योजकता विभागाच्या सहाय्यक आयुक्त रेणुका तम्मलवार यांनी केले. सुत्रसंचालन अशोक कानगूले यांनी तर आभार आर.बी. गणविर यांनी मानले.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.