कंधार,सचिन मोरे। आगामी होणाऱ्या सर्व जिल्हा परिषद, पंचायत समिती, नगरपालिका व विधानसभेच्या सर्व निवडणुका पूर्ण ताकतीनिशी शेतकरी कामगार पक्षाच्या वतीने लढविल्या जाणार असून मतदारसंघातील शेतकरी कामगार पक्षाच्या सर्व कार्यकर्त्यांनी तन-मन-धनाने व सर्व संभाव्य निवडणुकांमध्ये विजय मिळवण्यासाठी सर्व ताकतीनिशी कार्यकर्त्यांनी सज्ज व दक्ष राहून कामाला लागण्याचे आवाहन शेतकरी कामगार पक्षाच्या महाराष्ट्र महिला प्रदेशाध्यक्षा तथा सामाजिक कार्यकर्त्या सौ. आशाताई श्यामसुंदर शिंदे यांनी कंधार येथे आयोजित कार्यकर्ता मेळाव्यात कार्यकर्त्यांना मार्गदर्शन करताना शेकापच्या सर्व कार्यकर्त्यांना आवाहन केले.
यावेळी शेकापचे मराठवाडा सहचिटणीस तथा युवा नेते विक्रांत दादा शिंदे, माजी जिल्हा परिषद सदस्य चंद्रसेन पाटील, कंधार बाजार समितीचे सभापती ज्ञानेश्वर पाटील चोंडे, जिल्हा नियोजन समिती सदस्य बालाजीराव वैजाळे, शेतकरी कामगार पक्षाचे ग्रामीण जिल्हाध्यक्ष अवधूत पाटील शिंदे, जिल्हाध्यक्ष बालाजी ईसातकर, लोहा खरेदी-विक्री संघाचे उपसभापती श्याम अण्णा पवार,माजी पंचायत समिती सदस्य जनार्दन तिडके, अल्पसंख्यांक जिल्हाध्यक्ष शेख शेरुभाई, शेकाप कंधार तालुकाध्यक्ष अवधूत पेठकर, शहराध्यक्ष महेश पिनाटे, लोहा तालुका अध्यक्ष नागेश हिलाल, सद्दाम कंधारी, मगदूम शेख, एजाज भोसीकर, सचिन कुदळकर, अशोक बोधगिरे सह प्रमुख कार्यकर्ते व पदाधिकारी उपस्थित होते, या भव्य कार्यकर्ता मेळाव्यात मतदारसंघातील शेकडो महिला व पुरुषांनी शेतकरी कामगार पक्षा मध्ये जाहीर प्रवेश केला, शहरातील बहादरपुरा येथून शेकापच्या कार्यकर्त्यांच्या उपस्थितीत भव्य मोटरसायकल रॅली काढण्यात आल्याने सर्व शहरात जल्लोष होता.
यावेळी शेकापचे मराठवाडा सहचिटणीस तथा युवा नेते विक्रांत दादा श्यामसुंदर शिंदे यांनी यावेळी कार्यकर्त्यांना मार्गदर्शन केले, यावेळी आशाताई शिंदे या कार्यकर्ता मेळाव्याला संबोधित करताना म्हणाल्या की,येणाऱ्या सर्व निवडणुका पूर्ण ताकतीनिशी लढण्यासाठी मतदारसंघातील शेतकरी कामगार पक्षाच्या सर्व कार्यकर्त्यांनी तन-मन-धनाने कामाला लागून सर्व निवडणुकीत घवघवीत विजय संपादन करण्यासाठी सर्व ताकतीनीशी कामाला लागावे असे आवाहन करून आशाताई म्हणाल्या की, मतदार संघातील शेकापच्या सर्व कार्यकर्त्यांच्या पाठीमागे मी व आमदार शिंदे कुटुंबीय खंबीरपणे पाठीशी असून आगामी सर्व निवडणुका जिंकण्यासाठी कार्यकर्त्यांनी सज्ज राहण्याचे आवाहन यावेळी आशाताई शिंदे यांनी कार्यकर्त्यांशी संवाद साधताना केले.
यावेळी मतदारसंघातील अनेक कार्यकर्त्यांनी आपले मनोगत व्यक्त केले, कंधार येथील आयोजित शेकापच्या भव्य कार्यकर्ता मेळाव्यास मतदार संघातील महिला कार्यकर्ते , पुरुष कार्यकर्ते, पदाधिकारी, कार्यकर्ते उपस्थित होते, यावेळी सरपंच पुंडलिक पाटील बोरगावकर, सरपंच गोविंदराव पाटील चिंचोलीकर, सरपंच बंडू पाटील पवार ,सरपंच सखाराम पाटील लोंढे, उज्वला बालाजी गुरसोडकर, सरपंच शाहूताई सुनील कांबळे सह मतदार संघातील सर्व शेकापचे कार्यकर्ते, पदाधिकारी, महिला भगिनी बहुसंख्येने उपस्थित होते.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.