नांदेड। नांदेड जिल्हा परिषदे अंतर्गत कार्यरत विविध संवर्गातील कर्मचा-यांच्या सार्वत्रिक बदली प्रक्रिया समुपदेशनाव्‍दारे जिल्हा परिषदेच्या कै. यशवंतराव चव्हाण सभागृहात मुख्य कार्यकारी अधिकारी तथा प्रशासक वर्षा ठाकूर-घुगे यांच्या प्रमुख उपस्थितीत सुरू आहेत. आज सोमवार दिनांक 8 मे रोजी महिला व बालकल्याण विभाग, ग्रामीण पाणीपुरवठा विभाग, बांधकाम विभाग, कृषी, पशुसंवर्धन व वित्त विभागातील कर्मचाऱ्यांच्या बदल्या करण्यात आल्या. आज एकूण 63 कर्मचाऱ्यांच्या बदल्या करण्यात आल्या आहेत.
महिला व बाल कल्याण विभागातील पर्यवेक्षीका पदाच्या 11 बदलत्या करण्यात आल्या यात प्रशासकीय 5 तर विनंतीवरून 6 बदल्यांचा समावेश आहे. ग्रामीण पाणी पुरवठा विभागात कनिष्ठ अभियंता संवर्गात प्रशासकीय 2 तर विनंतीवरून 2 अशा 4 बदल्या करण्यात आल्या. बांधकाम विभागातील कनिष्ठ अभियंता पदाच्या 9 बदल्या झाल्या. 3 प्रशासकीय तर 6 विनंतीवरुन बदली करण्यात आली. स्थापत्य अभियंता सहाय्यक पदासाठी प्रशासकीय 2, विनंती 3 अशा 5 बदलत्या झाल्या.
कृषी विभागातील विस्तार अधिकारी कृषी या पदाच्या 4 बदल्या झाल्या असून यात प्रशासकीय कारणावरून 1 तर विनंतीवरून 3 जणांचा समावेश आहे. पशुसंवर्धन विभागातील 22 कर्मचाऱ्यांच्या बदल्या करण्यात आल्या. यात सहाय्यक पशुधन विकास अधिकारी प्रशासकीय 2, विनंती 1, पशुधन पर्यवेक्षक पदाच्या प्रशासकीय 11 तर विनंतीवरून 8 कर्मचाऱ्यांच्या बदल्या करण्यात आल्या. वित्त विभागात 8 बदल्या झाल्या. यामध्‍ये विनंतीवरुन सहाय्यक लेखा अधिकारी 1, कनिष्ठ लेखा अधिकारी संवर्गात प्रशासकीय 1 तर विनंतीने 2 तर वरिष्‍ठ सहाय्यक लेखा पदाच्या विनंतीवरुन 4 बदल्या झाल्या.
बदली प्रक्रियेत यावेळी जिल्हा परिषदेच्या मुख्य कार्यकारी अधिकारी तथा प्रशासक वर्षा ठाकूर-घुगे, अतिरिक्‍त मुख्य कार्यकारी अधिकारी संदीप माळोदे, सामान्‍य प्रशासन विभागाचे उप मुख्य कार्यकारी अधिकारी डॉ. सुधीर ठोंबरे, मुख्य लेखा व वित्त अधिकारी शिवप्रकाश चन्‍ना, उप मुख्य कार्यकारी अधिकारी मंजूषा कापसे, महिला व बालकल्याण विभागाच्‍या उप मुख्य कार्यकारी अधिकारी रेखा काळम-कदम, कार्यकारी अभियंता अमोल पाटील, ए.आर. चितळे, अशोक भोजराज, जिल्हा पशुसंवर्धन विकास अधिकारी डॉ. भूपेंद्र बोधनकर, जिल्हा कृषी विकास अधिकारी भाग्यश्री भोसले, उप मुख्य लेखा व वित्त अधिकारी शेखर कुलकर्णी, डॉ. अरविंद गायकवाड आदींची उपस्थिती होती.
आज आरोग्य विभागाच्‍या बदल्या
नांदेड जिल्हा परिषदे अंतर्गत कार्यरत विविध संवर्गातील कर्मचा-यांच्या सार्वत्रिक बदली प्रक्रिया समुपदेशनाव्‍दारे जिल्हा परिषदेच्या कै. यशवंतराव चव्हाण सभागृहात सुरु असून आज मंगळवार दिनांक 9 मे रोजी आरोग्य विभागातील विविध संवर्गातील कर्मचा-यांच्या बदली प्रक्रियेला सकाळी 10 वाजल्‍या पासून सुरवात होणार आहे. तर उद्या बुधवार दिनांक 10 मे रोजी ग्रामपंचायत विभागाच्‍या बदल्या पार पडणार आहेत.
पोर्टलवर प्रकाशित झालेल्या बातम्याचा कोणी गैरफायदा घेत असतील तर संबंधित संस्था, व्यक्ती कॉपीराईट कायद्यानुसार जबाबदार राहतील. वृत्तसंकेत स्थळावर प्रसिद्ध झालेल्या जाहिराती, बातम्या, लेख, किंवा मजकुरास वृत्तवाहिणी तपासून पाहू शकत नाही संचालक/संपादक सहमत असतील असे नाही. यातून उद्भवणाऱ्या कोणत्याही विषयाला संबंधित लेखक, वार्ताहर, प्रतिनिधी व जाहिरातदारच जबाबदार राहतील. या वेबसाईटवर प्रसिद्ध झालेल्या बातम्या किंवा मजकुरासंदर्भात काही वाद निर्माण झाल्यास तो नांदेड न्यायालयांतर्गत राहील.