नांदेड। येथील सप्तरंग सांस्कृतिक महोत्सव हे आंतरराष्ट्रीय दर्जाचा सांस्कृतिक कार्यक्रम नांदेड येथे होतोच हा महोत्सव 2017 पासून आंतरराष्ट्रीय मंचावर देखील आयोजित होत आहे मध्ये कोरोना काळामुळे विदेशात कार्यक्रम बंद झाल्यामुळे दोन वर्षानंतर यंदाचा सप्तरंग आंतरराष्ट्रीय सांस्कृतिक महोत्सव 2023 दुबई येथे भारतीय दूतावास ऑडिटोरियम मध्ये संपन्न झाला. या कार्यक्रमाच्या आयोजनासाठी संस्कृती मंत्रालय भारत सरकार, ग्लोबल बिझनेस फेडरेशन दुबई, क्लासिकल रिदम्स दुबई यांचा साथ लाभलं. सप्तरंग सेवाभावी संस्था दरवर्षी नांदेड आणि आंतरराष्ट्रीय मंचावर सांस्कृतिक महोत्सव स्पर्धा आयोजित करत असते यावर्षी हा मान दुबई करांना मिळाला दुबईमध्ये अनेक भारतीय लोक असल्यामुळे आपल्या संस्कृतीचा जतन व कार्यक्रमाचे आवड तिथल्या लोकांना देखील आहे.
यावर्षीच्या आंतरराष्ट्रीय महोत्सवामध्ये भारतातील 30 कलावंत व स्थानिक दुबई येथील 30 कलावंत यांनी संयुक्तरित्या कार्यक्रमांमध्ये सादरीकरण केलं. आजादी का अमृत महोत्सव आंतरराष्ट्रीय नृत्य दिवस असे अनेक उपक्रम या कार्यक्रमाची जोडण्यात आले यामध्ये भारतीय संस्कृती संवर्धन व्हावं या हेतूने हा कार्यक्रम दरवर्षी आंतरराष्ट्रीय मंचावर आयोजित करत असतो असे प्रतिपादन प्रस्ताविक मध्ये डॉ. सान्वी जेठवाणी यांनी केलं. भारतीय संस्कृती ही विविधतेत एकतेचा संदेश देणारी आहे व अनेक धर्म असून देखील भारतीय हा एक असून एका नावाखाली एका झेंडा खाली येऊन आपली संस्कृतीचे संवर्धन करत असतो व हीच संस्कृती विदेशात व अनेक भागात प्रसारित व्हावं व भारतीय संस्कृतीचे नावलौकिक व्हावं या हेतूने सप्तरंग आंतरराष्ट्रीय महोत्सव विविध देशांमध्ये दरवर्षी आयोजन करण्याचं काम या संस्थेच्या माध्यमाने आम्ही करत असतो असे मत देखील सान्वी जेठवाणी यांनी मांडले.
कार्यक्रमाच्या उद्घाटन प्रसंगी भारतीय दूतावास चे वाइस कॉन्सुल जनरल श्री उत्तम चंद, संस्कृती मंत्रालय भारत सरकारचे प्रोडक्शन ग्राउंड स्कीमचे सदस्य श्री चंद्र प्रकाश, प्रजापिता ब्रह्मकुमारी दुबईच्या संचालिका ब्रम्हकुमारी ज्योती बहन, ग्लोबल फेडरेशनचे अध्यक्ष चंद्रशेखर भाटिया, इंडियन हायस्कूल दुबईचे ट्रस्टी श्री हेमनदास भाटिया, बैंक ऑफ बरोड़ा दुबई चे जोनल मैनेजर श्री विनय कुमार शर्मा उपस्थित होते. उपस्थित मान्यवरांचे स्वागत स्मृतीचिन्ह व भारतीय शाल देऊन सप्तरंग सेवाभावी संस्थेचे अध्यक्ष डॉ. सान्वी जेठवाणी व सचिव श्री अक्षय कदम यांनी केल.
सदरील कार्यक्रमांमध्ये शास्त्रीय नृत्य बॉलीवूड चे गाणे उपशास्त्रीय नृत्य लोकसंगीत लोक नृत्य असे अनेक कार्यक्रम उपस्थित मान्यवरांना पाहण्यास मिळाले भारतीय दूतावास मध्ये न भूतो न भविष्यती असा कार्यक्रम झाल्याचे तिथले पदाधिकाऱ्यांनी मत व्यक्त केले. खचाखच असं भरलेलं सभागृह विविध सादरीकरणाने प्रेक्षकांना मंत्रमुग्ध केलं असे कार्यक्रम पुन्हा व्हावं आणि अनेकदा दुबईमध्ये याच कराकरांना आम्हाला पहावयास मिळावं असे मत उपस्थित मान्यवर जाताना सर्व कलावंतांना सांगत होते.
या कार्यक्रमासाठी छत्रपती संभाजी नगर येथील ध्यास स्कूल ऑफ परफॉर्मिंग आर्ट्स, कलाश्री अकॅडमी, नांदेड येथील लय स्कूल ऑफ परफॉर्मिंग आर्ट्स, बंगळुरू येथील कॉलेज स्टुडिओ, यातून भारतीय कलावंत निवडण्यात आले होते. खरंच भारतीय संस्कृती समानता आणि बंधुता वाढवण्याचे काम करत असते त्यामुळे अनेक विदेशातील लोकांना देखील भारतीय कार्यक्रम आवडतात व नांदेड मधील सप्तरंग आंतरराष्ट्रीय मंचावर देखील गाजत असल्याचे नांदेडकरांना सार्थ अभिमान आहे. या कार्यक्रमांमध्ये व्हिडिओच्या माध्यमाने नांदेड येथील खासदार प्रतापराव पाटील चिखलीकर यांनी आपला शुभेच्छा पर संदेश पाठवला तेही या कार्यक्रमात दाखवण्यात आले. सदरील कार्यक्रम यशस्वीरित्या पार पाडण्यासाठी क्लासिकल रिदम्स दुबई येथील श्रीमती रोहिणी अनंत, सप्तरंग सेवाभावी संस्थेचे सचिव श्री अक्षय कदम, आयटीसी ट्रिप्स हॉलिडेज नांदेडचे श्री केदार नांदेडकर रितू धवन व अनेकांनी मेहनत घेतली.
